Yɛbəc 19:4-13

⁴Kɔ Pol oloku: «Kəgbət dəromun ka Saŋ, kəsəkpər mera yati kənayi teta Kanu. Mba Saŋ oŋc-loku afum a ŋalaŋ wəkɔ endeder nkɔn tadarəŋ mɔ, itɔ tatɔkɔ Yesu.»

⁵Ntɛ ŋane moloku mamɔkɔ mɔ kɔ ŋasɔtɔ kəgbət dəromun tewe ta Wəbɛ Yesu.

⁶Kɔ Pol endeŋər ŋa waca, kɔ Amera Ŋecempi ŋender ŋa, kɔ ŋayɛfɛ kəloku cusu ncɛ ŋantɔcərɛ mɔ, ŋac-dəŋk sɔ moloku mɔtɔt mmɛ Kanu kənasom ŋa kədəŋk mɔ.

⁷Arkun akakɔ ŋaŋc-bəp wəco kɔ mɛrəŋ.

⁸Kɔ Pol ɛmbɛrɛ kəlɔ ka dəkətola da aSuyif, pəc-lok-lokɛ di kəbaŋsɛ disrɛ haŋ yof maas, pəc-gbɛkəlɛnɛ, pəc-sɛp kəsɔŋɛ afum kəcərɛ mes ma dɛbɛ da Kanu.

⁹Mba ntɛ ayenki səbomp alɔma ŋaŋc-fati kəlaŋ mɔ, ŋac-fani dɔpɔ da Wəbɛ nnɔ kənay kəyi mɔ. Kɔ Pol ɔmbɔlɛ ŋa, k’ ɛlɛkɛnɛ acɛpsɛ a Yesu darəŋ alɔma, kɔ ŋawɛnnɛ kəsək, kɔ ŋaŋlok-lokərɛnɛ dɔsɔk o dɔsɔk nde dəkətəksɛ da Tirano.

¹⁰Tatɔkɔ tɛnawon meren mɛrəŋ, kɔ tɔsɔŋɛ aSuyif kɔ aKresi aŋɛ ŋanayi atɔf ŋa Asi mɔ kəne toloku ta Wəbɛ.

¹¹Kanu kəŋc-sɔŋɛ waca wa Pol kəyɔ mes mɛwɛy-wɛy mmɛ mɛnacuca kənəŋk mɔ.

¹²Tɛnasɔŋɛ pac-bəcəsɛ acuy cəloto, kɔ pəyɔnɛ fɛ ti-ɛ kəpol nkɛ kəŋgbuŋɛnɛ Pol mɔ, kɔ ayɔ ti-ɛ, docu doŋc-wur wəkayi, kɔ yɔŋk yɛlɛc yoc-wur sɔ wəkayi dəris.

¹³Kɔ aSuyif alɔma ŋaŋkɔs-kɔs mofo mɛlarəm, kɔ ŋatubucnɛ Pol kəbɛləs ka yɔŋk yɛlɛc nnɔ acuy ŋayi mɔ, ŋac-loku: «Ilok’ əm: Məwur wəcuy wəkawɛ tewe ta Yesu wəkɔ Pol ɛŋcam mɔ.»