Yɛbəc 17:28-33

²⁸Ntɛ tɔ nəne moloku mamɛ: ‹Nkɔn ɔsɔŋɛ su kəyi doru, nkɔn ɔŋsɔŋɛ su kəcepɛ, nkɔn ɔsɔŋɛ su kəyi tantɛ ayi mɔ.› Itɔ aleŋsɛ anu alɔma ŋaloku: ‹Kəbənda ka dokom da Kanu kɔ səna sɔ səyi.›

²⁹Kɔ pəyɔnɛ fɔ kəbənda ka dokom dɔn kɔ səna sɔ səyi-ɛ, pəmar fɛ a pacɛm-cɛmnɛ a Kanu kəwurɛnɛ kɔ kɛma, kɔ gbɛti, kɔ pəyɔnɛ fɛ ti-ɛ, tasar mpɛ fum ɛŋcɛm-cɛmnɛ k’ɛmpatɛ dɛcɛrəŋ dɔn mɔ.

³⁰Kanu kənacepsər fɛ afum akɔ ŋanayi tɛm ntɛ anatɔcərɛ mes mɔ, mba kəfaŋ oŋ afum a doru fəp a ŋasəkpər bəkəc.

³¹Kɔ Kanu kəmboŋc dɔsɔk ndɛ kəndekɔ-bocɛ afum a doru fəp kiti kəlompu mɔ. Kanu kənayɛk-yɛk fum nwɛ endekɔ-boc kiti kaŋkɔ mɔ, kənasɔŋɛ afum fəp kəcərɛ wəkayi ntɛ kənayekti kɔ afi dacɔ mɔ.»

³²Ntɛ ŋane Pol pəc-loku teta kəyɛfɛ ka defi mɔ, kɔ alɔma ŋayɛfɛ kəfani kɔ, mba alɔma ŋaloku: «Səndesɔ-cəŋkəl’ əm kəloku ka tatɔkɔ dɔsɔk dɔlɔma.»

³³Kɔ Pol owur ŋa dacɔ, k’ɔŋkɔ.