Yɛbəc 11:2-9

²Ntɛ Piyɛr ɛnapɛ Yerusalɛm mɔ, kɔ afum aŋɛ anakəŋc mɔ ŋayɛfɛ kənal kɔ,

³ŋac-loku: «Məmbɛrɛ ndena afum aŋɛ antɔkəŋc mɔ, kɔ məndi yeri kɔ ŋa, bawo aSuyif ŋanamɔnɛ ti!»

⁴Awa kɔ Piyɛr ɛyɛfɛ kəlɔmər ŋa tin tin tin mes mɔkɔ mɛnacepər mɔ:

⁵«Ina, nde dare da Yope inayi, dɔsɔk dadɔkɔ ic-tola Kanu kɔ kənəŋk kənder im. Ti disrɛ, k’inəŋk paka pɔlɔma poc-tor powurɛnɛ kɔ manta pasumpər pi moŋkubut maŋkəlɛ, kɔ pontor kəyɛfɛ dəkɔm haŋ nnɔ inayi mɔ.

⁶Ntɛ inagbətnɛ pi disrɛ mɔ, k’inəŋk sɛm ya wɛcək maŋkəlɛ, sɛm ya dop, yeliŋɛ-liŋɛ, kɔ bɛmp ya dəkɔm.

⁷K’ine sɔ dim doc-lok’ im: ‹Məyɛfɛ Piyɛr! Mədif, məsɔm.›

⁸K’iloku: ‹Ala Wəbɛ! Tɔlɔm o tɔlɔm tɛntasɔŋɛ f’em kəbɛr paka pɔtɔcemp dəkusu, mpɛ Kanu kəmɔnɛ kədi mɔ.›

⁹Kɔ dim ndɛ dɔŋgbɔkərɛ sɔ kəyɛfɛ dəkɔm: ‹Paka mpɛ Kanu kəŋcempəs mɔ, ta məna məlokɛ pi kətɔ-cemp!›