Text copied!
CopyCompare
Bibeli Gusunɔn Gari - Womusu - Womusu 92

Womusu 92:2-11

Help us?
Click on verse(s) to share them!
2Yɑ rɑ n do bɑ n nun tɔmɑmɔ Yinni Gusunɔ, kpɑ bɑ n wunɛn yĩsiru bɛɛrɛ wɛ̃ɛmɔ, wunɛ Wɔrukoo,
3bɑ n wunɛn durom ɡɑri kpɑrɑmɔ bururu, kpɑ bɑ n wunɛn bɔrɔkinirun ɡɑri kpɑrɑmɔ wɔ̃kuru
4kɑ mɔrɔku kɑ ɡɔ̃ɔɡeru.
5Yinni Gusunɔ, ye ɑ kuɑ yɑ mɑn nuku dobu wɛ̃. Mɑ nɑ ye kpuro siɑrɑmɔ kɑ womusu.
6Yinni Gusunɔ, wunɛn sɔmɑ ye ɑ kuɑ yɑ kpɑ̃. Wunɛn bwisikunu nu duku.
7Gɑri bɔkɔ ɡɑ ǹ kpɛ̃ ɡu nu tubu, mɛyɑ nu ǹ mɑɑ kpɛ̃ nu nùn yeeri.
8Geemɑ, tɔn kɔ̃sobu bɑ seemɔ nɡe yɑkɑsu, mɑ nuku kɔ̃suruɡibu bɑ kpɑrɑmɔ nɡe dɑ̃ɑ. Kɑ mɛ, sɔ̃ɔ teeru bɑ koo bu kpeerɑsiɑ sere kɑ bɑɑdommɑɔ.
9Adɑmɑ wunɛ Yinni Gusunɔ, wunɑ ɑ kpuro kere sere kɑ bɑɑdommɑɔ.
10Wunɛn yibɛrɛbɑ kpuro bɑ koo kɑm ko. Be bɑ kɔ̃sɑ mɔ̀ kpuro bɑ koo yɑrinɑ.
11A mɑn ɡbeeku kɛtɛn dɑm kɑ̃, mɑ ɑ mɑn domɑru kuɑ ɑ mɑn ɡum yɑrum tɑ̃re.

Read Womusu 92Womusu 92
Compare Womusu 92:2-11Womusu 92:2-11