Text copied!
CopyCompare
Bibeli Gusunɔn Gari - Womusu - Womusu 83

Womusu 83:2-18

Help us?
Click on verse(s) to share them!
2Gusunɔ, ɑ ku mɑri, ɑ ku mɑɑ wɛ̃rɑ.
3Domi wee wunɛn yibɛrɛbɑ bɑ seewɑ, be, be bɑ nun tusɑ bɑ wiru yɔ̃rɑsie.
4Wee bɑ kɔ̃sɑ wesiɑnɑmɔ wunɛn tɔmbun sɔ̃. Bɑ nɔɔ tiɑ mɔ̀ be ɑ kɔ̃sun sɔ̃.
5Bɑ ɡerumɔ bɑ mɔ̀, bu nɑ bu sun kpeerɑsiɑ bwesenu kpuron suunu sɔɔn di, kpɑ bu ku mɑɑ bɛsɛ Isirelibɑn yĩsiru yɑɑyɑ.
6Wee bɑ wesiɑnɑ, mɑ be kpuro bɑ nɔɔ tiɑ kuɑ bu kɑ nun wɔri.
7Beyɑ, Edɔmubɑ kɑ Isimɛɛlibɑ kɑ Mɔɑbubɑ kɑ Aɡɑribɑ
8kɑ Gebɑlibɑ kɑ Amɔnibɑ kɑ Amɑlɛkibɑ kɑ Filisitibɑ kɑ sere Tiriɡibu.
9Asiriɡibun tii bɑ nɑ bɑ kɑ bu nɔɔ tiɑ kuɑ, bɑ Lɔtun bibun bweseru, Amɔnibɑ kɑ Mɔɑbubɑ nɔmɑ kɑ̃.
10Yinni Gusunɔ, ɑ bu kuo nɡe mɛ bɑ Siserɑ kɑ Yɑbini kɑ Mɑdiɑnibɑ kuɑ Kisionin dɑɑrɔ.
11Bɑ bu kpeerɑsiɑwɑ Eni Doriɔ, mɑ bɑ ben ɡonu deri mi, nu tem kɔ̃sisiɑ nɡe nɑɑ bisu.
12A de ben sinɑmbu bu ɡbi nɡe sinɑm beni, Orɛbu kɑ Seebu kɑ Sebɑ kɑ Sɑlumunɑ,
13be, be bɑ rɑɑ ɡerunɑ bɑ nɛɛ, bu dɑ bu Gusunɔn ɑrumɑni ɡurɑ.
14Yinni Gusunɔ, ɑ bu suo ɑ kɑ doonɑ nɡe mɛ woo ɡunɑ yɑ rɑ kɑ yɑkɑsu doonɛ.
15A de bu dɔ̃ɔ mwɑɑrɑ nɡe mɛ dɔ̃ɔ u rɑ dɑ̃ɑ sɔ̃ɔ mwɛ, ǹ kun mɛ nɡe mɛ dɔ̃ɔ yɑrɑ yɑ rɑ ɡuunu dɑbiri.
16A bu nɑɑ ɡiro kɑ ɡuru woo bɔkɔ. A bu nɑndɑsio kɑ woo ɡunɑ.
17Yinni Gusunɔ, ɑ bu sekuru dokeo, kpɑ bu wɑ bu ɡɔsirɑmɑ wunɛn mi.
18A de bu sekuru wɑ, kpɑ bɑ n nɑnde sere kɑ bɑɑdommɑɔ. A ben yĩiyɔbu wunɔ, kpɑ bu kɑm ko.

Read Womusu 83Womusu 83
Compare Womusu 83:2-18Womusu 83:2-18