Text copied!
CopyCompare
Bibeli Gusunɔn Gari - Womusu - Womusu 78

Womusu 78:36-57

Help us?
Click on verse(s) to share them!
36Adɑmɑ bɑ ku rɑ ɡem ɡere. Bɑ rɑ n kĩ bu nùn nɔni wɔ̃kewɑ kɑ ben ɡɑri.
37Ben ɡɔ̃ru ɡɑ ǹ kɑ nùn wɑ̃ɑ. Bɑ ǹ mɑɑ ben ɑrukɑwɑni yibie.
38Adɑmɑ kɑ mɛ, Yinni Gusunɔ u rɑ tii nɛnɛ u kun win mɔru kpuro yɔ̃su. U rɑ bu wɔnwɔndu kue, kpɑ u bu ben durum wɔkɑ u kun bu ɡo.
39U rɑ yɑɑye mɑ bɑ sɑ̃ɑwɑ tɔmbu. Bɑ sɑ̃ɑwɑ nɡe woo. Gɑ̀ n doonɑ, ɡɑ ku rɑ wurɑmɛ.
40Nɔn dɑbinɑ bɑ Gusunɔ seesi ɡbɑburɔ. Nɔn dɑbinɑ bɑ win mɔru seeyɑ.
41Bɑ mɑɑ wure bɑ nùn nɔɔ kuurɑ wi, wi u sɑ̃ɑ ben Yinni Dɛɛro.
42Bɑ ǹ tɔ̃ɔ te yɑɑye tè sɔɔ u bu wɔrɑ yibɛrɛbɑn nɔmɑn di kɑ win dɑm.
43Bɑ ǹ mɑɑ yɑɑye sɔm mɑɑmɑɑkiɡii ni u kuɑ Eɡibitiɔ kɑ Soɑnin ɡberu kpɑɑnɛɔ.
44U Eɡibitiɡibun dɑɑnun nim ɡɔsiɑ yɛm, mɑ bɑ kpɑnɑ bu mu nɔ.
45U derɑ ɡbɑbu swɛ̃ɛ yi bu wɔri yi di. Mɑ u derɑ surenu nu bu kɑm kuɑ.
46U derɑ twee yi ben dĩɑnu wɔri yi di. Mɑ u derɑ ben hɑniɑn ɑre kɑm kuɑ.
47U derɑ ɡuru kpenu nu ben resɛm ɡbɑɑnu kɑm koosiɑ. Mɑ woorɑ ben dɑ̃ɑ ɡbɑɑnu sɑnkɑ.
48U derɑ ɡuru ɡbɑ̃ɑ kɑ ɡuru kpenu ben yɑɑ sɑbenu di.
49Mɑ u kɑ Eɡibitiɡii be mɔru seewɑ kɑ dɑm u bu nɔni sɔ̃ɔwɑ. U derɑ ɡɔɔn ɡɔrɑdobɑ bɑ nɑ dɑbi dɑbinu bɑ bu wɔri.
50U ǹ dere win mɔru yu ɡoo sɛ̃ɛnɑ. U bu kɛ̃si kɛ̃si bɑrɑnu kpɛ̃ɛ u kɑ bu ɡo.
51U Eɡibitiɡibu be, be bɑ sɑ̃ɑ Kɑmun bibun bweserun bii tɔn durɔ ɡbiikoo bɑɑwure ɡo, be, be bɑ sɑ̃ɑ ben ɑluwɑɑsirun bibu.
52U derɑ win tɔmbɑ yɑrɑ nɡe yɑ̃ɑ ɡɔ̃ɔ ɡe ɡɑ yɑrimɑ ɡɔ̃run di. Mɑ u bu kpɑrɑ ɡbɑburɔ.
53U bu kpɑrɑ kɑ bɔri yɛndu, bɑ ǹ diirɑ. Mɑ u derɑ nim wɔ̃ku ɡɑ ben yibɛrɛbɑ wukiri.
54Mɑ u kɑ bu dɑ win tem dɛɛrɑmɔ, ɡuu ten mi, te u mwɑ kɑ win dɑm.
55U bwese tukunu ɡirɑ win tɔmbu Isirelibɑn sɔ̃. Mɑ u tem mɛ bɔnu kuɑ u derɑ bɑ sinɑ mi, kuu bekuruɡinu sɔɔ.
56Adɑmɑ bɑ Gusunɔ nɔɔ kuurɑ. Bɑ wi, Wɔrukoo seesi. Bɑ ǹ win woodɑbɑ mɛm nɔɔwɛ.
57Bɑ Gusunɔ dɛsirɑri, mɑ bɑ kuɑ nɑɑnɛ sɑribɑ nɡe mɛ ben bɑɑbɑbɑ bɑ rɑɑ kuɑ. Bɑ wururɑ nɡe tɛn tèn kirikɑ yɑ kusirɑ.

Read Womusu 78Womusu 78
Compare Womusu 78:36-57Womusu 78:36-57