Womusu 69:2-9

²Gusunɔ, ɑ mɑn fɑɑbɑ koowo. Nɑ sɑ̃ɑre nɑ nim mwɛɛre wɑhɑlɑn sɔ̃.

³Nɑ nummɔ yironu sɔɔ, nɑ ǹ kpɛ̃ n yɔ̃rɑ. Nɑ wɔri nim bwerɔ mɑ nim torɑ kɑ mɑn doonɔ.

⁴Nɑ swĩ nɑ wɑsirɑ sere nɛn ɡɔ̃ru ɡɑ ɡberɑ. Nɛn nɔni dɑm dwiiyɑ ye nɑ wunɛn somiru mɑrɑ.

⁵Be bɑ mɑn tusɑ bɑ ǹ ten wiru kɑ nɑɑsu yɛ̃, bɑ dɑbi bɑ nɛn wirun seri kere. Nɛn yibɛrɛ be bɑ kĩ bu mɑn ɡo kɑm bɑ dɑm mɔ. Ye nɑ ǹ ɡbɛnɛ, bɑ kĩ n yen kɔsire wɛ̃.

⁶Gusunɔ, ɑ nɛn ɑsɑnsi sɑriru yɛ̃. Nɛn torɑnu nu ǹ mɑɑ beruɑ wunɛn mi.

⁷Gusunɔ, wɔllu kɑ tem Yinni, ɑ ku de be bɑ nun yĩiyɔ bu sekuru wɑ nɛn sɔ̃. Isirelibɑn Yinni, ɑ ku de be bɑ nun kɑsu bu sekuru di nɛn sɔ̃.

⁸Domi wunɛn sɔ̃nɑ nɑ seku bɑkɑru sɔɔwɑ tɑ derɑ nɑ nɛn wuswɑɑ wukiri.

⁹Nɛn mɛro bisibu bɑ mɑn mɛɛrɑ tuko. Nɛn mɛro turosibu bɑ ǹ mɑn yɛ̃.