Text copied!
CopyCompare
Bibeli Gusunɔn Gari - Womusu - Womusu 147

Womusu 147:3-20

Help us?
Click on verse(s) to share them!
3U be bɑ nuki sɑnkire nukuru yɛmiɑsiɑmɔ. U ben mɛɛrɑn bosu bɔkumɔ.
4U kperi ɡɑrimɔ mɑ u yin bɑɑyere yĩsiru kɛ̃mɔ.
5Bɛsɛn Yinni u kpɑ̃, u mɑɑ dɑm mɔ. Win bwisi kun nɔru mɔ.
6Yinni Gusunɔ u rɑ wɔnwɔndobu nɔɔri. Kpɑ u tɔn kɔ̃sobu surɑ sere temɔ.
7I Yinni Gusunɔ siɑrɑbun womusu kuo. I Gusunɔ bɛsɛn Yinni siɑro kɑ mɔrɔku.
8U rɑ de ɡuru wiru tu wɔllu wukiri, kpɑ u ɡurɑ sɔɔru kuɑ yu kɑ nɛ tem sɔɔ, kpɑ u yɑkɑsu kpiisiɑ ɡuunu wɔllɔ.
9Wiyɑ u rɑ yɑɑ sɑbenu dĩɑnu wɛ̃, kpɑ u ɡunɔ binu dĩɑnu wɛ̃ sɑnɑm mɛ nu kuuki mɔ̀.
10Win nɑɑnɛ kun wɑ̃ɑ dumin dɑm sɔɔ. Win yĩiyɔbu kun mɑɑ wɑ̃ɑ tɔnun dukɑn dɑm sɔɔ.
11Be bɑ nùn nɑsie kɑ be bɑ win durom yĩiyɔ, beyɑ u kĩ.
12Yerusɑlɛmu, ɑ Yinni Gusunɔ siɑro. Siɔni, ɑ Gusunɔ wunɛn Yinni bɛɛrɛ wɛ̃ɛyɔ.
13Domi wiyɑ u rɑ wunɛn kɔnnɔn ɡɑmbon sɛ̃retii dɑm sire, kpɑ u wunɛn tɔmbu domɑru kuɑ.
14U rɑ de bɔri yɛndu tɑ n wɑ̃ɑ wunɛn temɔ. Kpɑ u de ɑlikɑmɑ yɑ n yibɑ wunɛ sɔɔ.
15U rɑ win woodɑbɑ nɔɔsie hɑnduniɑ sɔɔ. Win ɡɑri yi rɑ dukɑ dewɑ fuuku fuuku.
16U rɑ de nim kperuɡim mu nɛ, kpɑ mu n buriri nɡe yɑ̃ɑ sɑnsu. U rɑ de ɡuru kpenu nu nɛ kpɑ nu n sɑ̃ɑ nɡe torom.
17U rɑ n ɡuru kpee ni kɑsi mɔ̀wɑ tiɑ tiɑ. Wɑrɑ koo kpĩ u yɔ̃rɑ u yen wooru mɑ.
18Ù n ɡɑri ɡeruɑ, nim kperuɡim mɛ, mu rɑ yɑndewɑ. Ù n mɑɑ derɑ woo ɡɑ mu swee, mu rɑ kokuwɑ mu doonɑ.
19U win ɡɑri kɑ win woodɑbɑ kɑ win ɡere Yɑkɔbu wi bɑ mɔ̀ Isireli sɔ̃ɔwɑ.
20U ǹ bweseru ɡɑru kue mɛ. Ten ɡɑru tɑ ǹ mɑɑ win woodɑbɑ yɛ̃. Yen sɔ̃, i Yinni Gusunɔ siɑro.

Read Womusu 147Womusu 147
Compare Womusu 147:3-20Womusu 147:3-20