Womusu 119:40-48

⁴⁰Nɑ kĩwɑ n wunɛn woodɑbɑ mɛm nɔɔwɑ too. A de nɑ n wɑ̃ɑ wɑ̃ɑru sɔɔ wunɛn ɡem sɔ̃.

⁴¹Yinni Gusunɔ, ɑ de ɑ nɛn wɔnwɔndu wɑ, kpɑ ɑ mɑn fɑɑbɑ ko nɔɔ mwɛɛ te ɑ mɑn kuɑn sɔ̃.

⁴²Sɑɑ ye sɔɔ, kon kpĩ n be bɑ mɑn sekuru dokemɔ ɡɑri wisi. Domi nɑ nɛn nɑɑnɛ doke wunɛn ɡɑri sɔɔ.

⁴³A ku wunɛn ɡem wunɑ nɛn nɔɔn di, nɑ yĩiyɔbu mɔ wunɛn siribu sɔɔ.

⁴⁴Ko nɑ n wunɛn woodɑbɑ nɛniwɑ sɑɑ kpuro. Yɑ ko n wɑ̃ɑ nɛn mi sere kɑ bɑɑdommɑɔ.

⁴⁵Kon sĩ kɑ tii mɔru, domi wunɛn woodɑbɑrɑ nɑ kɑsu.

⁴⁶Kon ben ɡɑri sinɑmbu sɔ̃. Nɑ ǹ ko nɑ n mɑɑ wɑ̃ɑ sekuru sɔɔ.

⁴⁷Nɑ wunɛn woodɑbɑ kĩ. Nɑ rɑ n nuku dobu mɔ ye sɔɔ.

⁴⁸Nɑ rɑ nɛn nɔmɑ yiiye wɔllɔ n kɑ kɑnɑru ko wunɛn ɡɑri yi nɑ kĩn sɔ̃. Domi nɑ kĩ nɑ n yi bwisikumɔ nɛn ɡɔ̃ruɔ.