Womu Duro 5:1-11

¹nɑ duɑ nɛn dɑ̃ɑ gbɑɑru sɔɔ, nɛn sesu, nɛn kurɔ. Nɑ nɛn turɑre ye bɑ mɔ̀ mirun dɑ̃ɑ yorimɔ kɑ kiki si su nuburu do. Nɑ nɛn tim bɑun tim dimɔ. Nɑ nɛn tɑm kɑ nɛn bom nɔrumɔ. Yerusɑlɛmun wɔndiɑbɑ bɑ nɛɛ, i dio, bɛɛ be i kĩɑnɛ. I nɔruo kpɑ i n kĩru bɑrɔ.

²nɑ dò ɑdɑmɑ nɛn bwɛ̃rɑ yɑ ǹ kpĩ. Nɑ kɑ nɛn kĩnɑsi dosimɔ u gɑmbo soomɔ. Durɔ u nɛɛ, ɑ mɑn kɛniɔ, nɛn sesu, nɛn kĩnɑsi. Wunɛ wi ɑ sɑ̃ɑ nge sɑ̃kusɑ̃, ɑ yibɑ. Nɛn wirɑ nikererɑ. Mɑ nɛn seri nim sɛ̃ɛrɑ.

³wee nɑ nɛn yɑberu potɑ. Kon mɑɑ kpĩ n se n tu sebe? Nɑ nɛn kɔ̃ri kpɑkiɑ kɔ, yerɑ kon mɑɑ se n yi disinu ko?

⁴Yerɑ nɛn kĩnɑsi wi, u win nɔmu kpɛ̃ɛmɑ gɑmbon wem di, mɑ nɛn bwɛ̃rɑ wurɑ win mi.

⁵Nɑ seewɑ n kɑ nùn kɛniɑ. Turɑre ye bɑ mɔ̀ miru yɑ dɑ̃ɑkumɔ nɛn nɔmɑn di gɑmbon nɛnutiɑ sɔɔ.

⁶Nɑ nɛn kĩnɑsi kɛniɑ, ɑdɑmɑ nɑ deemɑ u doonɑ. Nɛn bwɛ̃rɑ rɑɑ wurɑ win mi, sɑnɑm mɛ nɑ win nɔɔ nuɑ. Nɑ nùn kɑsu kɑsu, nɑ ǹ nùn wɑ. Nɑ nùn sokɑ, u ǹ wure.

⁷Wuu gen kɔ̃sobu bɑ kɑ mɑn yinnɑ. Bɑ mɑn so bɑ mɛɛrɑ kuɑ. Be bɑ gbɑ̃rɑru kɔ̃su, bɑ nɛn sɔnditiɑ mwɑ.

⁸Bɛɛ Yerusɑlɛmun wɔndiɑbɑ, nɑ bɛɛ kɑnɑmɔ, ì n nɛn kĩnɑsi wɑ, i nùn sɔ̃ɔwɔ win kĩrɑ mɑn bɑrɔ kuɑ.

⁹wunɛ wi ɑ kurɔbu kpuro burɑm kere, mbɑ wunɛn kĩnɑsi wi, u mɔ ye goo kun mɔ ɑ kɑ sun sɔ̃ɔmɔ mɛ.

¹⁰nɛn kĩnɑsi, tɔn swɑ̃ɔwɑ, win wuswɑɑ bɑllimɔ. Tɔmbu nɔrɔbun subɑ wɔkuru (10.000) sɔɔ, wiyɑ kɑɑ wɑɑbu gbi.

¹¹Win wuswɑɑ yɑ bɑllimɔ nge wurɑ geɑ. Win seri yi tĩriwɑ nge gunɔ mɔrɑn sɑnsu.