Womu Duro 4:1-14

¹ɑ sɑ̃ɑwɑ kurɔ burɔ, nɛn kĩnɑsi. Wunɛn nɔni yi bɑllimɔ nge wɑɑ bɑkɑgii wunɛn sɔnditiɑn wɛ̃rin di. Wunɛn seri yi sɑ̃ɑ nge boo wuuru te tɑ sɑrɑmɑmɔ Gɑlɑdin guuru wɔllun di.

²Wunɛn donnu nu buriri nge yɑ̃ɑ nìn sɑnsu bɑ bɔɔrɑ nu nim nɔrum wee. Nu mɑɑ nɔɔ nɛwɑ swɛɛ swɛɛ, nin gɑrɑ kun kɑnde.

³Wunɛn nɔɔ gɑ swɛ̃riwɑ nge tom, mɑ gɑ wɑɑbu wɑ̃. Wunɛn bɑɑnu nu bɑllimɔwɑ nge dire sɔnsɔm biɑ wunɛn sɔnditiɑn wɛ̃rin di.

⁴Wunɛn wĩirɑ wɑ̃wɑ nge Dɑfidin dii bwereku gɑgu mi bɑ rɑ tɑbu yɑ̃nu bere. Wunɛn sɑbɑn bɑtɑnibɑ bɑ sɑ̃ɑ nge tɑbu yɑ̃ɑ ni bɑ bwɛ̃ mi.

⁵Wunɛn bwɑ̃su sɑ̃ɑ nge yɑɑ kpikun binu yiru ni nu yɑkɑsu dimɔ biibiin suunu sɔɔ.

⁶Sere sɔ̃ɔ u kɑ du sɑɑru tu kpɛ̃ɑ, kon dɑ guuru wɔllɔ mi turɑre ye bɑ mɔ̀ miru kɑ turɑre dɛkɑgiɑ yɑ wɑ̃ɑ.

⁷A sɑ̃ɑwɑ kurɔ burɔ, nɛn kĩnɑsi. A ǹ bɑu gɑgu mɔ.

⁸A nɑ su doonɑ sɑɑ Libɑnin guunun di kɑ Seniri kɑ Hɛɛmɔɔn guurun di mi gbee sinɑnsu kɑ musuku yɑmbɑrɔsu rɑ n wɑ̃ɑ.

⁹Bɛsɛn nɔni yì n yinnɑ, ǹ kun mɛ nɑ̀ n wunɛn sɑbɑn bɑtɑni tiɑ wɑ, wunɛn kĩrɑ rɑ nɛn gɔ̃ru kpuro mwɛwɑ, nɛn sesu, nɛn kurɔ.

¹⁰Wunɛn kĩru tɑ nuku dobu mɔ nɛn sesu, nɛn kurɔ. Wunɛn kĩru tɑ tɑm dobu kere. Mɛyɑ mɑɑ wunɛn turɑren nuburu tɑ do tɑ turɑre kpuro kere.

¹¹Wunɛn nɔɔ gɑ sɔ̃subu do nge tim bɑu. Tim kɑ bom mu wɑ̃ɑ wunɛn nɔɔ sɔɔ. Wunɛn yɑ̃nu nu nuburu dowɑ nge dɑ̃ɑ te bɑ mɔ̀ sɛduru Libɑniɔ.

¹²A sɑ̃ɑwɑ nge dɑ̃ɑ gbɑɑru te bɑ kɑrɑ koosi, nɛn sesu, nɛn kurɔ. A sɑ̃ɑwɑ nge dɔkɔ ye bɑ kɛnuɑ, ǹ kun mɛ nge bwiɑ ye bɑ mɑrɑ.

¹³Wunɛn nim mu dɑ̃ɑ gbɑɑrun dɑ̃nu yɛ̃kɑmɔ. Nin binu ni bɑ sokumɔ gerenɑdi nu do too. Mɛyɑ lɑlle kɑ nɑɑdi yɑ mɑɑ kpiɑ mi,

¹⁴kɑ sɑfɑrɑni, kɑ yɑkɑ si su nuburu do, kɑ kɑnɛli, kɑ dɑ̃ɑ ni bɑ rɑ kɑ turɑre dɛkɑgiɑ ko, kɑ miru, kɑ ɑloɛsi, kɑ sere yɑkɑ si su nuburu dobu bo kpuro.