Womu Duro 3:1-11

¹wɔ̃ku girirɑ nɑ kpĩ nɛn kpin yeru wɔllɔ. Nɑ kɑsu wi nɛn gɔ̃ru gɑ kĩ. Adɑmɑ nɑ ǹ nùn wɑ.

²Ǹ n mɛn nɑ, kon sewɑ n bɔsu wuu sɔɔ, gen swɛɛɔ kɑ gen yɑburɔ nɑ n kɑsu wi nɛn gɔ̃ru gɑ kĩ. Nɑ nùn kɑsu kɑsu, ɑdɑmɑ nɑ ǹ nùn wɑ.

³Ye wuu gen kɔ̃sobɑ bɔsu bɑ wuu mɛɛrimɔ, bɑ mɑn wɑ, mɑ nɑ bu bikiɑ nɑ nɛɛ, i nɛn kĩnɑsi wɑ?

⁴Ye nɑ bu deri kese, yerɑ nɑ nɛn kĩnɑsi wi wɑ. Nɑ nùn sɛ̃re, nɑ ǹ nùn yɔ̃su sere nɑ kɑ nùn dɑ nɛn mɛro wi u mɑn mɑrɑn dirɔ.

⁵Bɛɛ Yerusɑlɛmun wɔndiɑbɑ, nɑ bɛɛ sɔ̃ɔmɔ kɑ yɛɛ kpiki kɑ nɛnnun yĩsinu, i ku nɛn kĩnɑsi yɑmiɑ sɑɑ ye u ǹ kĩ u se.

⁶wɑrɑ u sɑrɑm wee gbɑburun di mɛni nge wii tĩɑ. U turɑre ye bɑ mɔ̀ miru kɑ turɑre dɛkɑgiɑ bwese bwesekɑn nuburu mɔ.

⁷Sɑlomɔɔn kpin yerɑ bɑ sɔɔwɑ bɑ kɑ wee, Isirelibɑn tɑbu durɔ dɑmgibu wɑtɑ bɑ nùn swĩi bɑ wɑ̃ɑ gɔn gɔnkɑ.

⁸Be kpuro bɑ kɑ tɑkobi sɑnnɔ yɛ̃. Bɑ sɑ̃ɑwɑ tɑbu durɔbu. Ben bɑɑwure u win tɑkobi bɛki win yɛ̃sɑɔ u kɑ sɔɔru sɑ̃ɑ bɑɑ yibɛrɛbɑ bɑ̀ n kurɑmɑ wɔ̃kuru.

⁹Sinɑ boko Sɑlomɔɔ u derɑ bɑ nùn ɑmɑkɛɛn kitɑru kuɑ kɑ dɑ̃ɑ ye bɑ kɑ nɑ Libɑnin di.

¹⁰Mɑ bɑ ten suɑtiɑn dɛki kuɑ kɑ sii geesu. Bɑ mɑɑ ten gbɑllitiɑ kuɑ kɑ wurɑ. Bɑ ten sin yerun leferi beku wunɔmgiru wukiri te Yerusɑlɛmun wɔndiɑbɑ bɑ burɑru kuɑ kĩrun sɔ̃.

¹¹I yɑrimɑ bɛɛ Siɔnin wɔndiɑbɑ, i sinɑ boko Sɑlomɔɔ wɑ. U win furɔ doke ge win mɛro nùn dokeɑ sɑɑ ye u kurɔ kpɑɑru kuɑ. Dɔmɑ te, u wɑ̃ɑ nuku dobu sɔɔ.