Wimbo wa Sulemani 7:2-12

²Kitovu chako ni kama duara la bakuli; kamwe kisikose mchanganyiko wa mvinyo. Tumbo lako ni kama ngano iliyo umuka na kuzungushiwa nyinyoro.

³Maziwa yako mawili ni kama watoto wawili wa ayala, mapacha wa ayala.

⁴Shingo yako ni kama mnara wa pembe; macho yako ni kama maziwa ya Heshiboni kwenye lango la Bathi Rabimu. Pua yako ni kama mnara wa Lebanoni ambao watazama Damasko.

⁵Kichwa chako ni kama Karmeli; nywele kichwani mwako ni za zambarau nyeusi. Mfalme amestaajabishwa na vifundo vyake vya nywele.

⁶Jinsi gani ulivyo mzuri na wakupendeza, mpenzi, na mazuri yako.

⁷Urefu wako ni wa kama mti wa mtende, na maziwa yako kama vifungu vya matunda.

⁸Niliwaza, “Ninataka kuupanda huo mti wa mtende; nitashika matawi yake.” Maziwa yako nayawe kama vifungu vya mizabibu, na harufu ya pua yako yawe kama mapera.

⁹Mdomo wako na uwe kama mvinyo bora, ukishuka taratibu kwa mpenzi wangu, ukiteleza kwenye midomo yetu na meno. Mwanamke mdogo akizungumza mwenyewe

¹⁰Mimi ni wa mpenzi wangu, na ananitamani.

¹¹Njoo, mpenzi wangu, twende nje ya mji; tu lala usiku kwenye vijiji.

¹²Tuamke mapema twende kwenye mashamba ya mizabibu; tuone kama mizabibu imemea, kama imechipua, na kama mikomamanga imetoa mau. Pale nitakupa penzi langu.