Wiawia 2:2-13

²A madang ngil laud eu likamata ngil en melimel peidido sang nanlang o kadirela im o wasa, re kot pena ia.

³A lo sirangerang akai likamata kisiniai pwarado sokedi pon amen amen.

⁴Irail karos ap dire kila Ngen saraui ap pikikidi padaki wei ni lokaia toror, duen Ngen kotin kamasan irail ada.

⁵Men Sus, ol lelapok ko sang nan wei karos pan lang kaikairu Ierusalem.

⁶Irail lao ronger duen mepukat karos, ap pokon penaer o puriamui kila, aki amen amen ronger udan a lokaia.

⁷Irail karos poneponeki o puriamuiki indada: Kilang, kaidin mepukat karos men Kaliläa, me kin padapadak?

⁸A daduen, kit kin rong irail amen amen ni udan ngil atail?

⁹Men Partien, men Medien, men Elam, o toun Mesopotamien, o Iudäa, o Kapadosien, o Pontus, o Asien,

¹⁰O Prikien, o Pampilien, o Äkipten, o liman Lipien; salong Kirene, o men Rom, me mi wasa et, karos Sus oko o Proselit oko,

¹¹Men Kreta o men Arapien, iaduen kitail kin rong kin irail udan ngil atail ar katitiki manaman en Kot akan?

¹²Irail karos ari pingidar o ponepondar, indada nan pung arail: Dakot met?

¹³Akai lalaue indada: Irail dire kila wain kap.