Weiwa Kan 16:30-35

³⁰Eri, e ahpw kahreirahla liki oh idek rehra, “Maing ko, dahme I pahn wia pwe I en kak mourla?”

³¹Ira ahpw sapengki, “Pwoson Kaun Sises, a kowe oh omw peneinei koaros pahn mourla.”

³²Ira eri padahkihong mahsen en Kaun-o, oh pil ong irail koaros me mihmi nan imwe.

³³Nipwongohte silepen imwetengo ahpw kahreirahda oh widenda ara ohla ko. Eri, ih oh eh peneinei koaros ahpw papidaisla.

³⁴E ahpw kahredalahng Pohl oh Sailas nan imweo oh kamwenge ira. Ih oh eh peneinei ahpw perenda kowahlap, pwehki arail pwosonlahr Koht.

³⁵Mandahn rahno me lapalap en Rom akan ahpw kadaralahng kaunen pilismen kan, pakair wet, “Kumwail kasaladekala ohl akan.”