waRoma 3:4-18

⁴Isiwe javyo, ila ingawa kila mwanadamu nlongo, fala Mwenyezimungu ndi mwenyé ukweli. Kamana mMandiko vyandikiwa javi: “Wakikishiwe nkati ya usemi wako, ushinde pauja kulamuriwa.”

⁵Fala ikiwa kutowa kukamilika kwetu kukolota ukamilifu wa Mwenyezimungu, tambani tena? Tikwamba Mwenyezimungu sikamilifu paatihukumu na nyongo yake? (Nisowera kamba vyawasowera wanadamu.)

⁶Kusema kweli, sivyo! Ikiwa javyo, Mwenyezimungu ulumwengu‑wu alamulaja?

⁷Fala ikiwa ulongo wangu ukolota pakulu ukweli wake ipate iye atukuziwe pakulu, nihukumiriwani kamba mmadambi?

⁸Mbana atamba (kamba wanu wengine vyawabuni kuwa tikwamba): “Titende vitendo vibaya ipate vije vitendo vyema, sinovyo?” Kuhukumiwa kwawo ka haki.

⁹Kinani tena? Itakuwa ofwe Mayahudi tiwa bora pakulu koliko wengine? Anta! Tibainisha futi kuwa wanu piya, Mayahudi pamoja na Sawari-Mayahudi, wamilikiwa na dambi.

¹⁰Mandiko Matakatifu akwamba: “Aapo munu kamilifu, anta mmoja.

¹¹Aapo anta munu mmoja wakwereriwa sana. Aapo munu antaja Mwenyezimungu.

¹²Piya wanu wanloza minyongo, waridanganya awafãi kinu. Aapo atenda meema, aapo anta mmoja.

¹³Paulo pawo pawa kamba kaburi ra kuwa wanzu. Kwa malulimi awo walongopa. Mivumbu yawo ílawa sumu ya nyoka wakofya.

¹⁴Viwejala pakanywa pawo lana na usowezi wa kuwawa.

¹⁵Maulu awo akwenenda upesi kusuja damu.

¹⁶Menenzi awo auwaribifu na ausikini.

¹⁷Awejiwa njira ya usalama.

¹⁸Mmaso mwawo awamopa Mwenyezimungu anta aba.”