31Bhaara nivaa wuldara sagine. Peente dahaa peensane; peenngayn yerinam kida giye. Cecira nivaa wuldara sagine.
32Kidi yinin haaponbee yinin qansonbeam kida tarje; kinin tarjenamaar tiyea qolehe.
33Kinin tarjonam tiyaa ea Barjosa gonamonam kida tarje.
34Barjoyn nittsaa Barjosa upsinam kida giye; harrna hambhidianna, Barjo yisa Manpasinam kashate imehe.
35Barjo Imbaa yisa Naasaam kida nashe; yer wulam kisa hayamon demente haydine.