Wane Ni Kwairiinga 13:37-41

³⁷Tafe'ua la Jisas nga wane na God ngaia 'e tata'ea fa'asia nga maenga, nga nonina ngaia 'ame si'ini.

³⁸'Ilo'oo, wane goru futa, 'imeeru meru kwairii te'amooru na'a God te'e 'olafanataa na rianga 'amooru 'ania maenga ala Jisas. Ta'a lo'oo te'efou na'a gila fito'o ala Jisas, God te'e lafua rianga aga fa'asiga. Lo'onga suria Tagi ala Moses, ngaia 'ame to'omia 'ani lafua rianga fa'aisga.

⁴⁰Moru aga suri 'amooru, fana nga 'ola na'a ni profet lo'oo gila fata suria ngaia 'e sia lau mola amooru,

⁴¹suria God ngaia 'e fata 'ilo'oo, ‘Moru gwaalongo, ta'a na'a moru malafofono na fatalagu. Tamoru 'alefo, ma tamoru mae. Tofuna nau taku agea 'ola ne'e fa'anonifii 'amooru alata moru momoori 'ua. Moru 'ame tagoto'o na'a God te'e agea ni 'ola lo'oori, gwa'a nga ta'a ngaa'i gila kwairii te'amooru.’”