Walumi 3:4-18

⁴Bule! Chohile nasigaile kutenda mchindedi mazuwa yose, hata hegu chila mntu ni mdanti, saviya viwandikwe mwa Mawandiko Yakukile, “Weye, umanyike kugamba wi mta wedi mwe milosi yako. Ukakantilwa weye we wi mhumi.”

⁵Mna, uneva wihi wetu walagisa pwilili kugamba Chohile adamanya wedi, nachigeze? Togola, nachigambe kugamba hana wedi akachilaha? Hano nalonga chimntu.

⁶Bule! Hegu Chohile hendile mchindedi nakadaha vivihi kukantila wantu we isi?

⁷Mna “Uneva udanti wangu walagisa pwilili uchindedi wa Chohile, elo ni mbwani naho miye nikantilwe saviya mta masa?”

⁸Chigeze! “Chidamanye vihiye chani kulaile vyedi”? Chindedi kuna wantu wamwenga wakunihuluta vihiye kugamba silonga ivyo. Wantu awo nawakantilwe saviya vikuwawagila.

⁹Chigeze? Suwe Chiwayahudi wedi kujinka wantu wa si ntuhu? Bule! Siwalagisa kale kugamba Wayahudi na sawo Wayahudi wose walongozwa ni masa.

¹⁰Saviya viwandikwe kugamba. “Hahali awoneke ywedi kulongozi kwa Chohile,

¹¹Hahali mntu mta umanyi, hegu mntu akumlonda Chohile.

¹²Wose wamhituka Chohile, wose watenda wavu, hahali akudamanya vyedi, hahali hata yumwenga.

¹³Milosi yawo imema wihi, limi zawo zimema udanti, walonga mbuli zikutisa saviya usungu wa nyoka,

¹⁴milomo yawo imema maligito na ukali.

¹⁵Viga vyawo vyagulukila kukoma wantu,

¹⁶aho nawaite wahosa ndilo na masulumizo.

¹⁷Sila ya utondowazi hawaimanyize,

¹⁸Hawakumogoha Chohile.”