Walawi 8:2-11

²“Umcheme Aluni na wanage na uhole ivalo linojile na mafuta ga kubakala na ibuguma lya nhambiko ya gehile na ming'holo milume mili na chidoto cha mibumunda johajiwichigwe usaso.

³Hamba uwakungajize Waisilaeli weng'ha hali lwizi lwa ihema lya Nguluwi.”

⁴Musa nakadita kota vyoyalajizwe na Mkulu Nguluwi. Nakawakungajiza Waisilaeli weng'ha hali lwizi lwa ihema lya Nguluwi.

⁵Musa nakawalonjela ahi Waisilaeli weng'ha, “Ayi ndo mbuli iwele Mkulu Nguluwi yoyalajize iditigwe.”

⁶Aho Musa nakewegala Aluni na wanage na kuwahovuga kwa mazi.

⁷Hamba nakamvaliza Aluni ikanzu na kuliwoha kwa isali, nakamvaliza ijoho, nakamvaliza chizibao na kuchiwoha mchuno mwa heye kwa isali litawigwe goya.

⁸Hamba nakamuwika chila chihako cha mmhambaga na kujela azo Ulimu na Sumimu mgati mwa acho chihako cha mmhambaga.

⁹Hamba nakamvaliza Aluni chipembelo kumutwi na mchanya mwa chipembelo acho mchihanga nakawika vinoligo vya zahabu, acho ndo chibati chelile, kota Mkulu Nguluwi vyoyamlajize Musa.

¹⁰Hamba Musa nakahola mafuta ga kubakala, nakabakaliza hali ihema lya Nguluwi na vinhu vyeng'ha viwele mgati mwake leka kuvidita viwe vya chiuyeng'ha.

¹¹Nakamizila honhu ha mafuta aho hali honhu ha kulavila nhambiko mala saba, nakabakaliza mafuta honhu ha kulavila nhambiko na vinhu vyeng'ha na likuwe na chikalilo chake, na kuviwika viwe vya chiuyeng'ha.