Waiwia 22:10-27

¹⁰Nai potoan on: Da me i en wiada Main? Kaun o ap kotin majani on ia: Paurida u kowei on Damajkuj, nan a pan kapare on uk waja o, me kaonop on uk er, en wiada.

¹¹A i jolar kak kilan waja, aki linan en marain o, i ap daululan Damajkuj; me ian ia kalua kin ia pa i.

¹²Ananiaj, ol lelapok amen duen kapun o, me kalok mau jili ren Juj akan karoj, me kaujon waja o,

¹³Ap ko don ia kajikajinen imp ai indai on ia: Ri ai Jauluj, kilanada waja! Ari, ni auer ota i jaradan i.

¹⁴I ari katitiki: Kot en jam atail akan, me pil uk adar, pwe koe en lolekonki a kupur, o udial me Pun o, o ron kapit en jilan i.

¹⁵Pwe koe pan japwilim a jaunkadede on aramaj karoj, duen me koe kilanadar o ronadar.

¹⁶Ari, da me koe auiaui? Paurida o paptaijela, pwe dip om akan en widen jan, o jakarkidan mar a.

¹⁷A kadekadeo i lao pwara don Ierujalem o kapakap nan im en kaudok o, i ap wukilar.

¹⁸O i kilan i, me kotin majani on ia: Kananata, madana wei jan Ierujalem, pwe irail jota pan duki on om kadede kin ia.

¹⁹Nai ari potoan on: Main, pein irail aja, me i panalan nan imaten o woki nan jinakoke kan me kin pojon komui.

²⁰A ni japwilim ar jaunkadede Jtepanuj kamatalar, nai pil u impa o peren kidar a kamatalar, nekinekid likau en me kamatalar i ko.

²¹A ap kotin majani on ia: U ko wei, pwe I pan kadar uk ala waja doo ren men liki kan.

²²Irail roneron i lel on majan pot et, ap nil laudeda indada: Jiken wei jan jappa lap men et! Pwe a jota mau on, i en memaureta!

²³A ni arail weriwerada, o kajelar ar likau, o kajadar pwel par,

²⁴Kaun lapalap o ap majani, i en wijikelan nan im en jaunpei o majani, ren woki i, pwe i en lelapok kila, da me re weiweilokeki i.

²⁵Irail lao jaliedi i, Pauluj ap idok ren kaun o, me u impa: Me pun, en woki aramaj en Rom amen, me kaikenta pakadeikadar?

²⁶Kaun o lao ronada met, ap kola ren kaun lapalap o indada: Da me kom pan wiada, pwe aramaj men et men Rom amen.

²⁷Kaun lapalap o ap kodo indai on i: Katitiki on ia, ol en Rom amen komui? A japen: Ei.