Waiwia 11:16-28

¹⁶Nai ari tamanda majan en Kaun o, me a kotin majani: Melel, pil me Ioanej paptaij kier, a komail pan paptaij kila Nen jaraui.

¹⁷Ari, ma Kot kotin kijakija irail dueta a kotin kijakija kitail er, kitail me pojonlar Kaun Iejuj Krijtuj, ij nai, pwe i en kak palian Kot?

¹⁸Irail lao ronadar mepukat ap nenenla o kapina Kot indada: Nan Kot pil kotiki on men liki kan en kalula, pwen maurela.

¹⁹A me muei pajan ni anjau en kamekam en Jtepanuj, kakan jili lel Pönijien, o Jipern, o Antiokien o jota padaki on meamen pwe Juj akan eta.

²⁰A nan pun arail ol akai mia, men Jipern o Kirene, me pwara don Antiokien, ap pil padaki on men Krik ronamau en Kaun Iejuj.

²¹A lim en Kaun o ieian irail o me toto pojonlar wuki on Kaun o.

²²Ron en mepukat ap peidon momodijou en Ierujalem. Ir ari poronelar Parnapaj, pwen kokola lel Antiokien.

²³I lao pwarador o kilaner mak en Kot, ap peren kidar o panaui irail karoj, ren kelail ni monion arail o podidi on Kaun o.

²⁴Pwe i me ol kelail o mau amen, me dir en Nen jaraui o pojon. A aramaj toto me wuki on Kaun o.

²⁵A ap kola Tarjuj rapaki Pauluj.

²⁶A lao diaradar i, ap ukedo i Antiokien. Ira ap mimi ren momodijou par eu o padapadaki on me toto. A nan Antiokien tounpadak kan tapidar adaneki japwilim en Krijtuj akan.

²⁷A ni ran pukat jaukop akai ko don Antiokien jan Ierujalem.

²⁸A amen irail, me ad a Akapuj me u kokopki Nen, me muei lek lapalap pan kipadi jappa; ari, a pwaidar ni muein Klaudiuj.