Waiwia 10:12-21

¹²Jon en man en jappa karoj mi lole, me kin aluki pa, o me laualo, o man korop kai, o manpir en pan lan.

¹³O nil eu peidi don i majanier: Petruj, paurida, kamela o mana!

¹⁴A Petruj potoan on: Kaidin Main, pwe i kaikenta mana me mal kot, de me jamin.

¹⁵A nil o majani on i kariapak: Meakot, me Kot kamakelekeladar koe der mamaleki!

¹⁶Mepukat wiauier pan jilepak! Ed o ap kapuredalan nanlan.

¹⁷A Petruj ni a kotin ponepon kidar wewe en kajanjal o, me a majanier, kilan, ol oko me pakadarado jan ren Korneliuj, ap rapaki im en Jimon o uda pan wanim o,

¹⁸O likilikwir pepeidok, ma Jimon, me pil mar a Petruj kotikot waja o.

¹⁹A Petruj ni a kotin madamadaua duen kajanjal o, Nen ap kotin majani on i: Kilan ol jilimen raparapa kin uk.

²⁰Uda o kodiwei ian irail o jo peikajal, pwe Nai me kadar irail do.

²¹Petruj ap kodilan ren ol oko, majani: Kilan, iet nai, me komail raparapaki. Da karepen omail kodo?