Wâŋgiŋa Paneâŋa kâ 96:9-12

⁹Miki ma kawâŋgi kawawa i, ŋana tu i nde sapâŋa ku zuzuli tamwata. Miki tamâta rârâni kamo tâno kulu, miki kapatawa warakami tinimi lâ i nao.

¹⁰Miki ma kaporo katula ŋgua panzi tamâta ŋgu rârâni mine tu, “Yova Kindeni imo Koipu Ŋalae!” Nia ndoyo ina iveta tâno ikeno kaika lâ, kala sâ toŋge ikura tu iveta tâno ilâ wa imâ wa, ande tia. Aku muli ŋga, lâ zo ŋinde i ma ionzi tamâta rârâni simandi ŋgua nia, ande i ma iveta panzi ikura nenzi vetâŋa mine.

¹¹Ayo, miki samba wa tâno wa, naŋa apaimi tu miki kandeka ŋga! Aŋga tâi tava kelekele rârâni kamo tâi ilo, miki kala kaveta nduŋeŋa kasuka kawami kâki!

¹²Aŋga tâno tava kelekele rârâni ikeno tâno ilo, miki kala kandeka pâta ŋga! Muli ŋga, lâ zo ŋinde Yova Kindeni ma imâ ŋana ikai poe panzi tamâta rârâni, ande kelekele rârâni ikeno tâno kulu ma sindeka pâta. Mao nâ, kâi rârâni simandi dugu ilo ŋinde ma siwâŋgi wâŋgiŋa ndekâŋa kâ. Ŋana tu ina ma ikai poe sondo ndo panzi tamâta rârâni tava vetâŋa mao nâ.