Vaiz 10:3-17

³O yol gedəndə də ağlının azlığı bilinər, Ağılsız olduğunu hamıya göstərər.

⁴Əgər hakimin qəzəbi sənə qarşı alovlansa, Yerindən tərpənmə. Çünki sakitlik Böyük xətaların üstünü örtər.

⁵Səma altında bir dərd də gördüm: O da hökmdarın əlindən çıxan səhvdir.

⁶Ağılsızlar yüksək vəzifələrə qoyulur, Halbuki varlılar aşağıda oturur.

⁷Gördüm ki, qullar necə at üstündə, Ağalar isə qul kimi piyada gedir.

⁸Quyu qazan içinə özü düşə bilər, Divar sökəni ilan sanca bilər.

⁹Daş kəsəni daşlar yaralar, Odun yarana odun xətər yetirər.

¹⁰Əgər balta kütdürsə, Onun ağzı itilənməyə verilməyibsə, Daha çox güc sərf olunmalıdır. Amma hikmət insanın köməyinə çatar.

¹¹Əgər ilan ovsun oxunmazdan qabaq sancsa, Ovsunçu çağırmağın faydası yoxdur.

¹²Hikmətli adamın ağzından lütfkar sözlər çıxar, Lakin ağılsız öz dili ilə həlakına yol açar.

¹³Onun dilindəki sözlər ağılsızlıqla başlanar, Danışığının axırı da sarsaqlıqdır.

¹⁴Ağılsız adam çox söz danışar. Heç kəs nə olacağını bilməz. Bəs kim ona özündən sonra Nə olacağını deyə bilər?

¹⁵Ağılsızların çəkdikləri zəhmət Özlərini yorar, Onlar şəhərə gedən yolu da bilmir.

¹⁶Əgər padşahın bir uşaqdırsa, Başçıların səhər tezdən Ziyafətə başlayırsa, Onda vay halına, ey ölkə!

¹⁷Əgər padşahın bir əsilzadədirsə, Başçıların da vaxtında Keflənmək üçün yox, qüvvətlənmək üçün yeyirsə, Onda xoş halına, ey ölkə!