Uyuhana 9:23-35

²³Barki anime ani anu yo umeme wa gu, “ma zome vana ba ikomme”.

²⁴Wa kuri wa titi urubo me uku kure wa gun me, “Nonzo Asere. Haru tirusa unu ugeme unu cara abanga man”.

²⁵Unu ugino me makabirka, “In tam nan me unu cara abanga mani, imum inde ini inrusa mazi urubo mani, aname be in hira”.

²⁶Wa gun me “Nyanini ma wuna we? ma wuu aneni ma poki aje awe me?”

²⁷Mamu buka shi daki ya kunnaba! nyanini ya wuna inyara ikuri ikunna? Nani inyara icukuno anu tarsa umeme, ana me?

²⁸Wa cari me iruban wa gu “Huu unu tarsa ume mani, haru anu tarsa u Musa mani.

²⁹Tirusa Asere ma buu tize nan Musa titanduru unu ugeme ma suro abaniba”.

³⁰Uni me ma kabirka ma gunwe “kash ita shi ahira me sa ma suron ba, ma ye ma poko aje am.

³¹Tirusa Asere madi kunna anu csara abanga ba, ingi unu ma nya nice ma wuza imum sa ma ma nyara, maka kunna me.

³²Datti sa abari unu daki amu kunna uye ma poko aje unu sa ayoo me urubo ba.

³³In dagi unu ugeme inzo ahira Asere mani ba, madada wuza imum ba”.

³⁴Wa kabirka wa gun me “Aye we anyumo ucara abangan, huu be u nyara u dungaran duru?” wa suso me.

³⁵Yeso ma kunna agi we suso me udenhe Asere. Ma kem me ma gun me “Wa nya vana Asere uhem?”