Uyuhana 7:6-30

⁶Ine ini Yeso magun we, uganiya um udazo asime vat uganiya ushe uni uzi.

⁷Unee ukaki uda nyare shi, abanname mi, mani wa nyare mi barki ma buka uguna katuma ka uni kaburu kani.

⁸Shi dusani ahira uidi me, mi inda hanam a'aname, barki uganiya um udaa sarki u aye.

⁹Sa mabuka we anime mausa matonno amanyanga mu galili.

¹⁰Sa anu henu umeme sawa dusa udime, me mahiri madusa anyimo awi hunzi, daki masuso nice ni meme a masaa.

¹¹Ayahudawa wameki unyara ume ahira uidi me wameki gusa, agi maraa abani?

¹²Nigura nimeki bibukom anicce numeme, aye wa gusi, unubo mani sa adi iri aye wagusi mazin nu ranga anabu.

¹³Daki uye matonno ma buki tize timeme a ma saa, barki wa kunna biyyau ba Yahudawa.

¹⁴Sa u idi wabiki atii Yeso maribe u denge utize ta sere mabui tize.

¹⁵A yahudawa pum a wu we cam-ca, wa gu ama, aneni unu uge me maruse u bassi ihuri lau aname, iyenne daki mabezi uguna marusa ire imum. 16

¹⁶Yeso makabarki magu, urusa ugime sanzini umumi ba. Udesa matumum uni.

¹⁷Vat de sa manyara ma wuzi katuma ka Asere, madirusi ubezi wa asere uni, nya in, inzi nu uboo me anicce nu mini. 18

¹⁸Desa maboo tize barki necce nume, manyara unonzo unicce ni meme nini unu nyara unonzo udesa matumame, memani una kadura, macico mazoni anyo ameme.

¹⁹Azo musa mani manya shi ainko utize me? Vat ani me daki ya inko ni tize me anyimo ashi me. Nyanini ya wuna ingara uhuna um?”

²⁰Anu me sa orno wakirka wagu, “Uzinu pebui aveni manyara ahuna uwe?”

²¹Yeso makabirka magu, katuma ka inde kani ma wuza, vat ushi izinu hira imu isso ini.

²²Musa maceki shi nigbari, uguna memani matubi acokoro wa cokro wani, ayenne, i wuza nu nigbari rono uwui wa sabar.

²³Unubo nigbari unu wui asabar barki kati agu afatilka tize ti muusa, ine ini ya kunna iriba barki a human nu unu rono uwui asabar?

²⁴Kati i waki tise anyimo uzatu urusa, abanna me wenki imum be sa idi ronta.”

²⁵Ara anu urshalima wanno wagu, azome unu ugino mani sa wa nyara uhuna umeme ba?

²⁶Mayenne mazin tize a masaa, daki wagunamme imumba, nani anaje arumae warusa memani vana aserer me?

²⁷Agino haru tirusa ahira me samarani, uganiya sa vana asere ma eh unu urusa ahira me sa marani mazoni.”

²⁸Yeso mazennu bezi anaboo. Tize ta asere anyimo udenge Asere, manno mayeze nigmirang magu, irusam irusa ahirame sa in rani. A zo agi ma ayye barki nicce num, de sa matuman una kadura kani, meme teshi me.

²⁹Mi in rusa me, barki ahira ame ani masuron, memani matumam.

³⁰Bark anime wanyari guna wudi mekime, a diri de sa madi darimme barki uganiya umeme wada sa arku aye.