Uyuhana 6:43-61

⁴³Yeso makabirka magun we, “Kati ihummoro acce ashimi ba.

⁴⁴Unu rusa uhana ahira am mara niba, aco memani cas desa matumum, memani ma hungu kom madi hirza anaboo rono umara unee.

⁴⁵Anyentike anyimo atize ta sere, nanu bezi tize ta asere vat uwe asere ani adi beziwe, vat desa makaba mamanza ahira acome madi eh ahira am.

⁴⁶Unu ira acco me mazoni abanna me desa marani ahira Asere memani maira a come.

⁴⁷Mabuka shi makuri mabuka shi, desa ma nyara kadura mazinnu venke udandang.

⁴⁸Mimani immare uninza uvenke.

⁴⁹Vat aka co ashi me wari umanna anijaa wanno wa wee.

⁵⁰Immare inno izinno tuzo azezsere kode vi marii kati kadevi ma wee.

⁵¹Mimane uzatu umara sa in zin nu tuzo azezsere desa mare immare me madi wii ba immare me sa manya inama inipum nom nini barki unee ukem uvenke.

⁵²A Yahudawa wa hiran initize acece aure me agi aneni unu ugene me madi nyam duru inama inipum nameme har tirii?”

⁵³Ine Yeso magun we ine ni mabuka shi, inki daki yare inama inepum ni vana unububa, ikuri isii maye mameme, izo shi unu venke ahira a shi me.

⁵⁴Vat andesa wariza inama inipum num, wasii maye mam, maraa anyimo uvenke uzatu umarsa, mi indi hirzame rono umara unee.

⁵⁵Barki inama inipum immare ige be sa ahira ini, maye mam immare be sa ahirani ini.

⁵⁶Vat andesa wariza inama inipum num, amasii maye mam maciki anyimo am, mima ayimo ameme.

⁵⁷Gusi acco me sa ma ciki anyimo uvenke sa matumum, in raa anyimo ati cukum ta cco me tini, ani mani ahira unu ge be sa imani immare imeme madi venke barki mi.

⁵⁸Ige me ine ini immare sa ya tuu usuro azezsere, azo ige sa acokoro anka cokoro ushi me sa warii, vat ani me wanno wa wii. Vat desa mare immare ige me madi madi venke ukabiki.

⁵⁹Mabuki anime anyimo udenge wasere, ahira me sa ma zinu bezi uwe tize ukafarnahu.

⁶⁰Innu kunnu anime anugbardang anyimo ahana akatuma kameme. Wanno wagu tize tiginome tikuna, aveni madi kunna tini?”

⁶¹Yeso sammu rusa irba imeme ahana akatuma kameme wazennu humoro, mano magunwe eginome ini yacukono imum upilko?