Uyuhana 6:24-38

²⁴Sa niori na ira yeso mazoni, ahana akatuma wa zoni ahirame, wa dusa waribise a mu cinici mugino cangi, uhana ukafarna hum unyara u yeso.

²⁵Sa wa kem me uhuru utekum me, wagume hu unudang, “Wa aye abanname unu mayya uni?”

²⁶Yeso makabirka we magu, rep animami, in booshi izi na nyara um azo barki imum ibiyyau, barki immare ini sa yare ya tonii.

²⁷Kati iziti unu nyara immare ige be sa idi corno me, inki immare ido-dongino uhana uvenke uka biki uvenke uzatu umara, uge sa vana unubo mani madi nya shiBarki me mani unu be sa acco, mamani Asere, ma nya me likara ni wuna ugino.”

²⁸Wanno imum be sa asere ma nyara?

²⁹Yeso makabirka we magu, katuma ka gino kane kani Asere nyara, ine ini ihem in de sa ma matuma me.”

³⁰Wanno wagumme nyanini udi wu i biyyau sa tidi iri ti hem in huu? uyanini udi wu?

³¹acokoro aka cokoro aru ware inama anijaa, sa anyetike unuguna, ma nyawe immare usuro azesere warii.”

³²Ine ini yeso magun we, inzinnu buka ushi, izome musa mani manya shi immare me sa asuso ini azesere me ba, acco am mani manyin shi immare me.

³³Ya ira immare igomo Asere ine ini i suso azesere, unu nya unee uvenke.

³⁴Wanno wagumme ugomo Asere uyan duru immare igino-koya uwui.

³⁵Yeso magum we, mimani immare nyinza uvenke me, desa ma aye ahire am, madi kunna ikomo ba desa manya kadura madi kunna niwe ni gmei ba.

³⁶Ma mabuka shi ya ira vat ani ma daki yanya kadura me ba.

³⁷Vat desa acco me manyan, madi eh ahira am, desa ma aye ahira am mi inda gido me ba.

³⁸Barki matino azezsere azo gunna intarsi iriba ini cce num neneba, sai intarsi ireba idesa matumam.