Uyuhana 4:29-40

²⁹“Ayyenii liri unu be sa mabom vat imum sa ma wuza ini kati nyani memani asere me?”

³⁰Wanno wasuri anyimo anipin me wa ka kem me.

³¹Arani anyimo anime ahana akatuma kameme wa tir me tari wagunmme hu una aje, “Re'imare.”

³²Abini me magun we inzini imare be sa shi iteshi ini.” 33

³³Ahana akatuma kameme wa igi acce awe me, kat uyye mani ma ayye men inimare me?”

³⁴Yeso magun, “We imimare im ine ini in wuzi katuma kade sa matuman inkuri in minca katuma ka meme.

³⁵Izinu gusa agi usana-ahira wade tipeu tinazi hanii? In zini uboo ushi, irani tirung l iri in tabari uguna adri bisana me.

³⁶Unu kara ubisana me madi kem imum be sa ma nyara, makuri mazinu orzo ubi sana me ahana uvenke uzatu umarsa, barki una tibira nan unu orso wa wuzi iraba irom nigo me.

³⁷Abanna me, ni gbuang ne tizeme kadura kani sa na guna uyyen inti bira, a uyyen unu orso.

³⁸Matumashi uka wa saa ni re-ren shi ya kem ya re uronta me.”

³⁹Asamariyawa gbardang anipin ni gino me wa hem imme barki tize tu unee ugino me sa ma magu, ma boom vat imum be sa ma wuzii ini.

⁴⁰Sa asamariyawa wa ha-a ahira ameme wa gunme matuu ahira aweme mawu tiye tire nan we.