Uyuhana 4:23-54

²³Uganiya u eze, wamu aye, sa anu tukunzino ukadura wadi tunguno acco anyimo abibe, nan kadura anu usanda utugungino ugino uni asere ma nyara we.

²⁴Ugomo asere bibe bini an debe sa wa tunguzino me wa tunguzino me anyino abibe nan kadura.

²⁵Unee me magunme, “Inrusa masihiya ma eze, desa atisame ugomo Asere uganiyame sama aye, madi bezi imum vat.

²⁶Yeso magunme mimani unatize tige me sa in zin.”

²⁷Abinime ahana akatuma kameme waze wakemme mazin tize nan vanu u'eh imum me i nyawe biygan anyimo aweme daki uye magu nyanini vana u'eh me ma nyara nyani nyanini ya wuna mazin in tize nan me.

²⁸Uneh me mahiri ma ceki nidong ni meme, ma kuri anipin ma buki anu,

²⁹“Ayyenii liri unu be sa mabom vat imum sa ma wuza ini kati nyani memani asere me?”

³⁰Wanno wasuri anyimo anipin me wa ka kem me.

³¹Arani anyimo anime ahana akatuma kameme wa tir me tari wagunmme hu una aje, “Re'imare.”

³²Abini me magun we inzini imare be sa shi iteshi ini.” 33

³³Ahana akatuma kameme wa igi acce awe me, kat uyye mani ma ayye men inimare me?”

³⁴Yeso magun, “We imimare im ine ini in wuzi katuma kade sa matuman inkuri in minca katuma ka meme.

³⁵Izinu gusa agi usana-ahira wade tipeu tinazi hanii? In zini uboo ushi, irani tirung l iri in tabari uguna adri bisana me.

³⁶Unu kara ubisana me madi kem imum be sa ma nyara, makuri mazinu orzo ubi sana me ahana uvenke uzatu umarsa, barki una tibira nan unu orso wa wuzi iraba irom nigo me.

³⁷Abanna me, ni gbuang ne tizeme kadura kani sa na guna uyyen inti bira, a uyyen unu orso.

³⁸Matumashi uka wa saa ni re-ren shi ya kem ya re uronta me.”

³⁹Asamariyawa gbardang anipin ni gino me wa hem imme barki tize tu unee ugino me sa ma magu, ma boom vat imum be sa ma wuzii ini.

⁴⁰Sa asamariyawa wa ha-a ahira ameme wa gunme matuu ahira aweme mawu tiye tire nan we.

⁴¹Ayye gbardang wa keki ana je me wa hem in kadura me barki tize timeme.

⁴²Wa dusa wagun, “Vanu u-eh me haru ta hem in kadura barki imumbe sawabuka cas ba barki haru ta kunna ina cee aru me.”

⁴³Sa mawuna tiye tire mahiri madusa ama nyanga mu galili.

⁴⁴Barki anime Yeso mabuki uguna vana ukadra ka sere ada hira me iri imum ini amanyanganmu meme.

⁴⁵Sa ma biki a manyanga mu galili ini anu galiliyawa wa-eh wakabi me barki wa iri vat imum be sa ma wuzi ini a urshalima uganiya u idi, barki we me wa haa udi me.

⁴⁶Manno makuri mahaa ukana a manyanga mu galili, ahirame sa magamirka gmei macukuno, uwango. Ukarna hum uyye marani desa vana umeme mazi uhumaba.

⁴⁷Sawa kunna Yeso masuro amanyanga muyahudiya makuri amanyanga mu galili mano madusa ahira ameme maka tirame tari agi ma-eh ma human vaname barki amarani ayino iwono.

⁴⁸Yeso magume inka daki mawuza imombe sa idi nyashi biyyau ida nyashi kadura ba.

⁴⁹Una katuma kanyino kalikobo me, magunme unu-udang aye a kpana kum kudaa sarki wono.

⁵⁰Yeso magunme; dusa imum iwe vana me maciki uhuma mawono ba, unome madusa ma hem in tizeme sa Yeso mabuka ma dusa atan tume.

⁵¹Maraa anyimo tanu ba ana katuma ka meme wa kabi me, wagun me, vana u weme ma huma.

⁵²Madusa ma ikiwe uganiya be sa nipum ni vana me ni ba tuba uwuna u me shew wagun me, ninji inna azumo a inde uwui ukoni me wa ceki me.”

⁵³Ine ini acco me marusi uganiyame sa Yeso maukime, vana uwe me mahuma. Meme in nicce ni meme ma kabi kadura me, nan ana akura ameme vat.

⁵⁴Iginome ine ini imum ibiyyau ikure sa Yeso mawuzi, sa ma kuri amanyanga mu galili usoro amanyanga mu yahudiya.