Uyuhana 2:1-25

¹Uwui utaru uwuzi nigura ukana amanyanga mu galili, alno yeso marani ahirame.

²Abezi yeso nan an a akatum kameme,

³Sa gmei mu in nabi, masizi kime aino Yeso magu wazin nukasu ugmei mu inabi.”

⁴Yeso magun ka inome, “inne tizetiginome tiwe me tiniba uganiya um, wamu unaba udaza.

⁵Ine ini, a'ino a yeso magu narereme, “Vat imum be sama buka shi, iwu hirani, iwu ini.”

⁶Ahirame masirau manu tasi. Mapo ainki usura utanda wa yahudawabarki ukpijo umadini vat masirau me maciri adong uta-tasi.

⁷Yeso magunwe “myincani adonga ginome, in gmei, wanno wa myinciza ani, gbem-gbem.

⁸Manno ma gunwe intani ika nya aco anigurame wanno waka nya me.

⁹Sa aco ani gurame, sama kuro gmei me sa ahanna men, mage sa a gamirka macukuno gmei mu inabi. Daki marusi ahira musa akem manin, (We arere me waruse ahirame sa akemni).

¹⁰Magu gmei mariri mani mu inabi mu inabi manno mameki unyinza anabu. Sa anabu wa siza maduku en magebe sa masiziki me maje me unu ure am, huu wa hunze mari-rimen ana mani wadiku ayyen immani.”

¹¹Ine ini mu ujizai mutuba sa yeso mawuzi, mano mawuzi u kana amanyanga mu galili. Mabezi ubari umeme, ahana aka tuma kameme wano wahem in me

¹²Manno madusa ukafarnaham, me nan ka inome, anu kenu umeme nan ana katuma kameme, maka cukuno abirko wa wu kayen ni.

¹³Ni gura na yahudawa, na-eh mamu yeso madusa urshalima.

¹⁴Anyimo udenge uninanzo numeme, waziki uni ucokono we ahira atijamani tinah, nan nitam ma tantabara, nan nanu corso ikirfi waciki ahira akatuma ka wome.

¹⁵Manno mapi macobiwen ma gidiwe vat uwe anyimo udenge ubiringara me nan ni tamme a iname anu corso ekirfi ma samirka nan ma tantabara me vat.

¹⁶Magun na nabo hum koni adadu ageme yazika, akura ugomo asere a cukono ahira ati jamani;.

¹⁷Ine ini ahana aka kuma kameme. Waringi a nyentike ihori agi acara akura ugomo asere.

¹⁸Ayahudawa wakabirka me wagu nyanini udi bezinduru sa uzi ana me.

¹⁹Yeso makabirka we magu, tuburkoni udenge ugomo asere mi indi hirza uni anyimo atiye.

²⁰A yahudawa wagu awu time akure anazi in tinu tasi azinu bara ahira aninonzo no gomo asere, me maguna. Tiye ti taru madi barkaa.

²¹Udenge uninonzome sa yeso mabukani uneni nepom nu meme.

²²Barka anime uganiya sa ahirzame, anyimo a mu cau ahana akatuma kameme, wanno waringi agi mabuki anime wanno wa hem in ni mum be sa abuki unu tuba nan tize ti yeso sa ma buki.

²³Abinime uganiya samarzni u urshalima atiye tini gura na yahudawa, anabu gbardang wa hem inza nimeme barki uira imumbe sa mawuzi.

²⁴Ine ini yeso ma hem we be.

²⁵Barki marusa ma ri a muwe me, azome agi uyye mani mabezime barki me, licce ni me me marusa vat imum be sa iraa a mu ruba ma nabu.