Uromawa 16:3-22

³Iso nin Briskila wan Akila, aroni akatuma kam anyimo Ayesu unu bura uru.

⁴Andesa wa nya iriba iweme barki mi daki mi mani cas, in gusa ankoi. Iso vat anu tarsa Asere.

⁵Iso anu tarsa Asere atikura ti we me, iso ni Abainitas, desa me mani ma tubi utarsa Asere anyimo ani pin nu Asiya.

⁶Iso ni Maryamu, desa ma wuzi shi katuma in iriba ka inde.

⁷Iso nin Andaranikas nan Yuniyas, anuhenu um aroni sa atirin duru, andesa wa raa anyimo ani dura ni Yesu, har ma wu agizam ukaba Asere.

⁸Iso ni Amfiliyas, unu usum anyimo utarsa Asere.

⁹Isoni Urbanus uroni ukatuma anyimo utarsa Asere, nan unu su um Istakis.

¹⁰Iso ni Abalis, desa ma hem ime anyimo utarsa Asere, iso ni anu Aristobulus.

¹¹Iso ni uhenu um Harudiyan, iso ni andesa wa tarsa Asere anyimo Narkisas.

¹²Iso ni Tarafina nan Tarafusa, ana akatuma kasere, iso ni Barsisa unu uso, desa ma wuzi katuma in kadure.

¹³Iso ni Rufus, desa ma suso nice anyimo utarsa Asere, nan ka a'ino ameme cangi.

¹⁴Iso ni Asinkiitas, nan Filiguna, nan Hamisa, nan Baturobas, nan Hamasa, nan nihenu sa wazi nan we.

¹⁵Iso ni Fililigusa, nan Yuliya, nan Niriyas, nan kuhenu me, nan Ulumfas, vat anu utarsa Asere an desa wazi nan we.

¹⁶Iso ni acece ashi in ni isi nihuma, vat anu tarsa Asere wa iso shi.

¹⁷Nihenu, ana me inzi unu igizo ushi, tarsa ni seke nan an desa wa hari shi ahira imum me sa ida dungura shi, w adi wu shi i pilliko. Wuna ni piit nan we.

¹⁸Barki usasana anu agino me wada tarsa Asere in kadure ba, wa tarsa imum me sa wadi ati puru tiwe tini. Unu kunna tize tima cico ti we me bati wa gamirka ana muriba muhuma.

¹⁹Abanga usheu ushi me, amara kode aba, i ne ini izin ina puru arum barki shi, in nyara shi iwu imumu ihuma iriba ishi me, i cukuno mei mashi ma da zoni anyimo imumu iburi.

²⁰Asere unu nyiza iriba irum madi patilka unu buri ugino me anyimo ati buna tishi me. Asere iriba isheu ma cukuno anyimo ashi me.

²¹Timoti uroni ukatuma kam, ma iso shi, ane ani Lukiyas nan Yason, nan Susibataras anu henu um.

²²Mi Tarfiyas unu nyettike ihori ige me, in iso shi barki Asere.