Uromawa 10:4-14

⁴Abine me Yeso me mani umyinca imum iriri uhana andesa wa hem.

⁵Musa ma nyettike ahira imumu ihuma sama kem uweki utize tini kubu, ''unube sa ma wuza imum ihuma uweki utize tini kubu, madi huma ahira imum ihum.''

⁶Anime imum ihuma ya ē ahira u hem uni, ''kati igu amu ruba mu shi, aveni madi nyene uhana asesere?'' (Barki ma tuzo Yeso adizi).

⁷Kati igu, ''aveni madi tu uhana adizi?'' (Aveni madi surni Yeso iwono).

⁸Anime nyani magusa? ''Nigura me nizi mamu nan hu anyimo anyo aweme nan ni rubu iweme.'' Nigura nu hem, nigebe sa tiboni.

⁹Barki inki wabuk inna nyo aweme, Yeso ugomo mani, wa hem iruba iweme agi Asere a hirzam anyimo iwono, udi kem ubura.

¹⁰Barki in ni ruba unu ma henzi uhana imumu ihuma, in na nyo ani unu ma boo uhana ubura.

¹¹Barki tize ta Asere taguna, ''vat desa ma hem ni madi da kunname mu i ba.''

¹²Abanna me usassas urani atii uyahawa nan unu zatu tarsa Asere. Abana me vat uwe ugomo Asere u inde mani awe, me unu kem mani uhana adesa vat matita me.

¹³Vat desa ma tita ni za nu gomo Asere madi kem ubura.

¹⁴Aneni wadi titi deba sa daki wa hemin mw ba? ire wadi wu ane ni wahem in desa daki wamu kunna iri mum ame ba?