Uraat To Yes Mbaŋooŋa 2:14-17

¹⁴Petrus iyondyood toman ndita saaŋgul ve eez. Ye isaav pa ival tiina tonowen toman aliŋa tiina ighaze: “Yam tamtoghon to Yuda, ve yam pida to anim aneep izi Yerusalem paam, asob aghur taliŋamim payou pooi. Leso napaghazoŋan gham pa mbeb to ivot ne pughu ve aghazooŋ pani.

¹⁵Vena, yam aghaze tamtoghon tonene tighun tiina le ŋgar todi iwaghamgham? Maau. Aghita. Ŋgaramus mboŋmaagh. Ndag iza inim ŋgeeg sone. Sei ighunghun pa sawa tovene?

¹⁶Alooŋ. Mbeb to ŋgaramus ivot ne, nene itaghon Maaron aliŋa to muuŋ ye ivotia ila propet Yoel avo. Ighaze:

¹⁷‘Maaron isaav tovene: “Sawa muri ighaze ivot, you pale narei Avuvug irau tamtoghon tisob. Ghoro ndinatumim nditamoot ve ndiliva tinim propet, ve tivotia aliŋag pa tamtoghon. Tovenen nditamoot tiam papaghu pale tighita mbeb pida ila tandagiiŋ. Ve ndolman watwaat tiam pale tighita mbeb pida ila vibiiŋ.