Text copied!
CopyCompare
Maaron Saveeŋ Toni Patabuaŋ - Uraat To Yes Mbaŋooŋa - Uraat To Yes Mbaŋooŋa 11

Uraat To Yes Mbaŋooŋa 11:23-30

Help us?
Click on verse(s) to share them!
23Ila ivot todi, ve ighita poia to Maaron ineep toman di, le ighami lolo poia kat. Ve ipalot di ighaze lolodi ikis Tiina toit tuŋia itaghoni taghoni gha ila.
24Banabas, ye ŋgeu poia. Ŋgar to Avuvu Patabuaŋ ivon ila lolo, ve ghurla toni iyaryaaŋ kat. Sawa tonenen, ival tiina kat titoor ŋgar todi ila pa Tiina toit Krisi ve tinim le.
25Tovenen Banabas ila ndug Tarsus pa ikaal Saul. Ila ivot toni, ghoro ighami ve yesuru timuul tila pa Antiok.
26Ndaman dodoli eez Banabas yesuru Saul tineep toman lupuuŋ to Krisi izi tonowe, ve tipatoot ival tiina pa Krisi saveeŋ toni. Yes Antioka to titaghon Krisi, tauto tamtoghon tipoi di tighaze ‘Kristen’ muuŋ.
27Sawa tonenen, propet pida tineep Yerusalem, ve tizila pa Antiok.
28Tamtoghon todi eez, iza Agabus. Maaron Avuvu ipamundigini ve ivotia Maaron aliŋa padi ighaze pitool tiina pale ivot irau taan isob. (Pitool tonowen ivot indeeŋ sawa to Klodias inim kinik tiina to Rom ve iŋgin ndug.)
29Yes to titaghon Yesu tilooŋ saveeŋ tonenen, ve timbua saveeŋ tighaze tisaŋgoor ulaaŋ pida ila to yes toŋvetaz to Krisi to tineep izi Yudea we. Tighita sa mbeb to irau tigham padi, nene tighuri ila moghon.
30Tilup mbeb le isob, ghoro tighuri ila to Banabas yesuru Saul, ve tighami tila, ve tighuri ila to yes ŋginiiŋa to tineep izi Yerusalem.

Read Uraat To Yes Mbaŋooŋa 11Uraat To Yes Mbaŋooŋa 11
Compare Uraat To Yes Mbaŋooŋa 11:23-30Uraat To Yes Mbaŋooŋa 11:23-30