Uluka 4:4-26

⁴Yeso ma kabirka me, “I Ciki unu nyetike unu mada ciki me barki imum yareeba”.

⁵Abini me unu ubur ma ziki Yeso ma han me ahira atankaran ma bezi me tigomo tunee vat.

⁶Unu ubur ma gun me “Indi nyawe vat tigomo nan timum tigeme barki sa anyam, mi inda ke innya de sa ma wunan.

⁷Ingi wa tunguno wa nonzom indi nya we”.

⁸Yeso ma kabirka ma gun me “I ciki unu nyertike 'Udi tarsi ugomo Asere nan Asere awe memani udi nonzo me cas”.

⁹Abinime unu ubur ma ziki Yeso ma hanme Urushalima abi tenteri bu denge Asere ma gun me “Ingi vana Asere mani, hinna adizi.

¹⁰Iciki unu nyertike madi buki ibe ika dura ka Asere iburu we

¹¹nan, 'Wadi kpatika we in tari kati u vabbi ubuna anipoo”.

¹²Ukabirka me, Yeso ma gun me “A gu kati umansa ugomo Asere nan Asere awe ba”.

¹³Sa unu ubur me ma mara umanza u Yeso, ma cekime uhana uru ganiya.

¹⁴Yeso ma kuri Ugalili inni kara ni Bibe, abangame a Samirka vat ati kikira ta hirame.

¹⁵Ma tubi ubezizi a udenge unu gura anuu wa nonzo me vat.

¹⁶Ma ē Unazarat, nipin me sa acanti min ma ribe udenge unu gura unu wui Asabar ma hiri ma tonno ubassa ihori.

¹⁷Anyame anyimo u nyertike u Ishaya ma poki unyertikeme ma iri ahira me sa a guna,

¹⁸“Bibe ba Asere bira anice num, ma zaukan inbuki anu dira abanga aririn ma tummim inbuki aciki arere, nan inpoki arubo aje, inwu aceki ande sa apatti we,

¹⁹inbuki anu niwee nin bussi na Asere”.

²⁰Ma dusa ma impi inyerte me, makurzo una katuma men, Wa nuki me aje.

²¹Ma tunguno we tize, “Kani unyertike Asere wa myinca ati tui tishi”.

²²Vat anuu sa wa rani ahira wa buu mang anice nume, wa kunna urunta utize me sa ta susso anyoo ame, wa iki me “Inzo vana Isubu ma zigeme ba?”

²³Ma gun we “Kadundura inrusa idi bukini me tize anyimo atize tigeme, 'Unuu ninza utika huuman nicee nuwe. Vat imum sa la kunna wa wuzi u kafanahum, wa wuzzi ani pin nuwe cangi”.

²⁴Ma kuri ma gu “Kadundura ma buka shi, ada kabame unuu kurzo utize ta Asere ani pin nume ba.

²⁵Inboo shi kadurra akoro waa rani Isaraila gbardang uganiya u Iliya, uganiya sa a impi Aseseri tiwee titaru nan tipe utasi Sārk uree, uganiya me sa awuzi ikomo idandang amanyanga mevat.

²⁶Anime daki atuma Iliya ahira a uye uwe ba, Senke ure ukoro sa ma ciki Uzarifat mamu nan nu Sidon.