25Ma ceki Barnabas sa maa guri ahira ahun unuu. Ma nyawe Yeso sa wa nyara.
26Sa wa haka nan me, wa gurna nan Siman unanuu Sayirin, ma zeze usuro ani pin, wa canni me ukunti ugankirka ma tarsi Yeso.
27Unu hem unu gura nanuu nan nanee intisso nan tihunu, unu tarsa ume.
28Yeso ma gamirka ma gu “Acaa anu Jerusalem, kati ishinime ba, sooni acee ashi nan na hana ashi.
29Irani barki, tiyee tieze sa wadi gu, 'Ani ruba irum wani anuu zattu yozo, nan tipuru sa daki ta yozo nan na hene sa daki a hamza ba.
30Abini me wadi tubi ugusan na pana 'Rizo aharu', nan napoo, 'Impon duru',
31Ingi awuza matiti mazu aname, nyanini idi kem mage sa mawaa?”
32Ukassu anuu, akari waree wazi nigome nan me tantu kahuname.
33Sa wa aye ahirame sa atisa “Ukunkuwa”, Wa gankirka me nan akari waree unuu inde atari tinanre unuu inde atari tinangure.
34Yeso ma gu “Acoo, vette ucara uwemen, barki sa wa taawe imume sa wazin unuwuza ba”. Wa acece tirunga tumeme in bizawazawa.
35Anuu wa turi unu hirame, agomo unu wuza ume nibassa, unu gusa “Ma bursa aye ca ma buri nice nume, ingi memani Ugomo Asere nan Asere sa a Zauka”.
36Anani kara nini kono (Ma Soja) wa meki uhaza upuru ume unu wuza ume nibassa, unu ninza ume mei magbarara.
37Unu gusa, “Ingi homan Ugomo wa Yahudawa, bura nicee nuwe”.
38U'ira warani ame “Ugomo wa Yahudawa mazigeneme”.
39Uye anyimo akarime mazogeme sa agankirka we nan me unu gusa “Inzo homani Ugomo Asere? Bura nicee nuwe nan haru”.
40Unuu kureme ma tarika me, magu “Uda kunna we biyau ba Asere ba, tunsa imun inde ini ya kem shi?
41Haru tiraa abame rep, barki ucara urun. Unuu ugeme daki ma cara imum ninba”.
42Ma gu, “Yeso, ringinmi anyimo ati Gomo tuweme”.
43Yeso ma gunme “Kadundura ma gunan huu, kani udizi nan mi akura Asere.”
Uluka 23
Uluka 23:25-43