Uluka 20:6-41

⁶Inka taguna ahira anu, anume vat wadi tizin duru in na poo, barki sa we wamu zika Yuhana una kadura ka Asere mani.

⁷Ba wakabirka wagu me we wada rusame a hirame sa ya surini ba.

⁸Yeso magunwe, “Mima inda bukamshi a hirame sa ni kara nu wuza uti mum tigeme na suri mini ba”.

⁹Ma buki anume tire tize tukama, “Uye ma biri unuu, ma nya ana vara u intame, ma dusa amare manyanga maka dadankino.

¹⁰Uganiya u eze sa indi tumi una katuma kam a hira ana vara me, barti wa nyame imumme sa wa oro uruume, ana uruu waka tirame wa gidime in tari ti hura.

¹¹Ma kuri ma tumi ure unu benki ume katuma, wa kuri wa tirime, wa wume ma cukuno imum imu i, wa gimdime in tari ti hura.

¹²Ma kuri ma tumi unu taru wa kunnome iwono, wa vingi me a matara.

¹³Anime unu uruu magu, 'Indi wu aneni? indi tumi vana uyoo um. Ba wuya wa kunna me',

¹⁴Sa ana vara me wa irame, wa barka tize ache awe, wugu, 'Usanme mazikuno uru'.

¹⁵Wa vete mani anatara wa hume. Nyanini unu uruu madi ki gunan we?

¹⁶Madi eh ma cari anu varsa uruu me, madi nya aye uruu me”. Uganiya me sa wa kunna anime, wa gu,”Kati Asere a hem!”.

¹⁷Anime, Yeso ma riki we aje, magu, “Nyanini ya ziginome sa a nyettike: 'Ni poo me sa anu bara uti denge wa nyarime nini nibura nu pingaru udenge'?

¹⁸Debe sa ma rizo ani poo niginome madi pusa magitum magitum. debe sa na rizo ame, nidi nanzi,”

¹⁹Barki anime, anu nyettike me nan nanu a dandang me wa nyari wa tarime tari uganiya me, we wa rusi tize tukama sa ma bu barki wewani. Agi we wa kunna bi yau ba nume.

²⁰Innu hira ume seeke wa tuburko anu ani hunzi sa wa wuzi kasi wazi lau bati wa kem ure u sizikime a tize tumeme, bati wa tuburko me a tari tanu yorso utize a dandang ugomna.

²¹Wa iki me, wagu, “Unu bezizi, tirusa uka ubuki ubazizi memerum, daki uya ma bari ma gamirka we ba, senke hu u bezizi umum ihuma una wa Aser.

²²Ya wuna memerum ti bisi ugandu ahira a kaisar, nani babu?”

²³Senke Yeso ma rusi ugamara uweme, ma gun we,

²⁴“Bezini mi ikirfi me, muhenu ma veni mura a ini?” wagu, “Mu kaisar muni”.

²⁵Ma gun we, barki anime “Nyani kaisar umumbe sa izi ime, a i nyani Ugomo Asere igebe sa izi ume”.

²⁶Wada wa kem ure usizikime inni mum sa ma buki we ba anyumo anu u ira ukabirka umeme wa wu tik.

²⁷Sa are Asadsukiyawa wa eh me, ande sa wa gusa usuro icau uzoni,

²⁸Wa ikime wagu, “Unu bezizi, Musa ma nyettiken duru agi inka uhenu unu ma wono, ama zin innu nee, sarki vana, mada ke ma ziki unee u henume in marizi ma yoo uhenu me vana.

²⁹Azin are ahana usunare u tubame ma wuzi anya, ma wi sarki vana,

³⁰Nannu nu kure me amme.

³¹Anu taru me ma ziki uneme, anime cangi unu sunare me madu ma wi sarki a hana.

³²A ciki ati yei me uneme ma wi cangi.

³³Rono usuro icau me madi cukuno une wa veni? inji ma wuzi anya nan we usunareme vat”.

³⁴Yeso ma gun we, “Ahana une ugeme waka wa wuzi a nya ak nya aye a wuzi a nya nan we.

³⁵Senke ande sa a hiri we kasi anu a lau ati wee tiginome wadi kabi u hira u mu cau barki sa wada ke wa wuza a nya ba na ni a nyawe inna nya.

³⁶Wada ke wa kinki uwono ba, barki sa wazi rep nan cukuno a hana u suso amu cau.

³⁷Barki mu kizi mu suru, musa ma bezi cangi, ahira a babga ani jaa, abinime ma titi Asere a Ibrahim nan na Asere a Ishaku nan na Asere a Yakubu.

³⁸Ana daki me Asere a mukizi aniba ingi me Asere anu a huma ani, barki sa vat a ciki amemani”.

³⁹Aye anu nyettike me wa kabirka, “Unu bezizi, wa kabirka memerum”

⁴⁰Anime wada wa kuri wa iki me imum ba.

⁴¹Yeso ma gun we, “Aneni wa gusa agi kristi vana u Dauda mani?