Tuukwewabe Manepu 7:22-27

²²Ka saa'a yise oosoo Moses no'oko mu Egypt numu manena natunedyooe. Besa hemma how yugwedu. Besa unnedu.

²³Soo Moses ka nana manese yise pummesoo nanumu-baa nobenega.

²⁴Ka o petugase, sumu'yoo Egypt nana ka Jew nana unutse mooedyugwe.

²⁵Soo Moses ka Egypt nana tutzagow ka tu nanumu-koobatoo.

²⁶Soo Moses yise meeoo soonamme, ‘Umu e nanumu ka natzama'wukwuse oo sopedakwadookwu ka Te Naa nuka pooha-makase.’ Pana umu gi oo soo'oedyukute ka ooka moo'a oo petugase, waha'yoo Jew nanana nanagoehoo. Mu too'e tzadyooikuse, meeoo mu netamma, ‘Mu e nananumu gi muusoo nanagoepana.’

²⁷Soo nana unu tu pua'a koosekeowdu ka Moses tomatzakowse, meeoo oo netamma, ‘Numu u nemadunagadu mee u naneyugwe.