Turlku 136:4-10

⁴Kutju-palunyalu yayirninytjulu kutjupa-kutjupa palyalpayi. Palunyalu-lanya ngarltunytjulu tirtu kanyira.

⁵Mama Kuurrtu ninti purlkanyalu yilkari palyarnu. Palunyalu-lanya ngarltunytjulu tirtu kanyira.

⁶Palunyalu manta parratjunu kapi yirralawanalu. Palunyalu-lanya ngarltunytjulu tirtu kanyira.

⁷Palunyalu tjirntu puru kirnara palyarnu. Palunyalu-lanya ngarltunytjulu tirtu kanyira.

⁸Tjiinya tjirntu palyarnu karlarlara kanyiratjaku. Palunyalu-lanya ngarltunytjulu tirtu kanyira.

⁹Puru kirnara pirntirritarrartu palyarnu mungangka yutira kanyiratjaku. Palunyalu-lanya ngarltunytjulu tirtu kanyira.

¹⁰Mama Kuurrtu-tjananya Yitjurayilku tjamupirti yayirninytjulu ngurra nyarra Yiitjipulanguru pakaltjingara katingu. Palunyalu-lanya ngarltunytjulu tirtu kanyira.