Turlku 119:103-112

¹⁰³Nyuntuku wangka pukarapirinypa tjiinya yirliltungka munkarra.

¹⁰⁴Nyuntuku wangka kuliranytjatjanu-rna nintipukarringu nyinarra. Palunyalanguru-rna yiwarra nyarra lipiku yanyan-yanyanpa nyinarra.

¹⁰⁵Yuwa Mama, nyuntuku wangka tilipirinypa tjiinya yiwarra-tju pirntaltjingara kanyilpayi. Nyuntuku wangka pirntal-pirntalpirinypa. Nyangka-rna palunyatjarra tjukarurru mapitjalayilku parrapitjaku.

¹⁰⁶Nyuntuku wangka tjukarurru mularrpa ngarala. Nyangka-rnanta watjarnu wantingu wangka palunyanya wangarnarralu kulira palyalkitjalu.

¹⁰⁷Wiya, yarnangu pirnilu-rniya parrawanarayirni mirri pungkula tjunkukitjalu. Palunyakutarra-rni wankarura kanyila, tjiinya-rnin watjarnu wantitjalu.

¹⁰⁸Yuwa Mama, pukurlarriku-munta-tjun tjiinya-rnanta marninypungkulanyangka? Pukurlarrirralpi-rni nyuntuku wangka tirtu nintipungama.

¹⁰⁹Wiya, tirtu-rniya parrawanarayirni pungkula mirri tjunkukitjalu. Nyangka nyuntuku wangkaku-rna watarrkurrikitjamunu.

¹¹⁰Nyangka yarnangu palyamunu pirninya-ya mukurringkula piwarrtjingalkitjalu-rniya. Parturtu-rna nyuntuku wangka wantikitjamunu.

¹¹¹Yuwa, nyuntulu-rnin wangka walykumunu nintirnu. Nyangka-rnanku tirtu kanyilku kanyinma. Tjiinya-rni wangka palunyalu tirtu pukurlmara kanyira.

¹¹²Nyangka-rna wangarnarralu kulira palyarayilku ma-mirrirriku.