Turin Kiden 27:7-10

⁷Pake mabayag kami nakatugtugut abat ta addu na araw, a addu ya zigat mi nga nakadatang ta annung na ili na Nidu. A gafu ta atubangan na kami na paddad a nagpaabagatan kamin, petta angen mi ya lingad na fugu na Kareta.

⁸A tekami en nagtalib ta annung na Salmone a medyo nazigatan kami hapa pumingit abat ta nakadatang kami ta kinan da en Mappya na Paglingadan nga abikan ta ili na Laseya.

⁹A gafu ta natalantanan kamin ta paddaden a nadatangan na kami na agirid ikid na araw na kawan, a mazigat na ya magbapor, a netabarang ni Pablu ta aweda bit mina magdulot.

¹⁰“Mariknak, Apo, ta pake mazigatan kitam sangaw, a maperdi sangaw ya baporin kontodu karga tam, yaga addu sangaw ya masi tekitam,” kunna.