Turin Kiden 20:26-29

²⁶A yen ta pake ibar kun tekamuy ta am awemuy mangurug a awan ta liwat ku tekamuy,

²⁷te awan ta tinaliban ku ta pangipadangag ku ta ngamin uray na Namaratu tekamuy.

²⁸A makkamu kam mantu nga magtaron ta bari muy ikid na ngamin kiden mangurug, te ikamuy haman ya netun na Kahalwa na Namaratu nga manaron ikid na mangituldu tekid, te tolay kid ni Afu Hesus nga sinaka na ta daga na en.

²⁹“A kumanen hapa a amuk ta itta sangaw ya matulad na mangituldu nga timulyat teyak, a pagkakattwayan da sangaw ya mangurug kiden.