Tukpɔɠaaleʋe Nuiti 6:21-24

²¹Tukpɔi é ɠɛni Ɠɔoɠɔ GALAGI ná-geezuɠeelai ya, é naa zokpai loni suai ʋa, ta ɓului nii lɛʋɛ la su. Abui soni kɔtu wolai ʋa, é suai ɠala, ta ɓului nii lɛʋɛ la su. Naa ʋolu, Ɠɔoɠɔ GALAGI ná-geezuɠeelai ɲɛɛlɛni gaazu.

²²Zeedeyɔn kwɛɛni ga Ɠɔoɠɔ GALAGI ná-geezuɠeelai ʋe. É kpeei looni, é ɠɛ: «Màanɔɠɔa, Màliɠii, Ɠɔoɠɔ GALAGI! Mazɔlɔɔ gè Ɠɔoɠɔ GALAGI ná-geezuɠeelai ɠaa, ga gàazuʋɛ.»

²³Kɛlɛ Ɠɔoɠɔ GALAGI ɠɛni ma: «Yiilɛi, mina lua, è la zaazu.»

²⁴Zeedeyɔn zalaɠa ɠulazuʋɛ loni náʋɛ Ɠɔoɠɔ GALAGI ʋɛ, é daasei pɛɛni ga: «Ziilɛi GALAGI.» Toɠa dɛ ná, zaaɠaza Wɔfela taazuʋɛ, Aɓiyezɛɛl ná-pɛlɛyeɠei zaama.