Tukpɔɠaaleʋe Nuiti 5:21-25

²¹Ziɛ wolai Kison ti yɛʋɛni, é yei ga tiye, wɔlɔwɔlɔ ɗɛ wolai, ziɛ wolai Kison. De ziɛ ga zɛbɛi!

²²Sooiti ti leʋeni ga kpizɛi, ti-ʋolokagiti tugi ɗa ɠula, ti-lugi ɗa ɠula zooi ma.

²³Ɠɔoɠɔ GALAGI ná-geezuɠeelai ɠɛni ma: «À Meelɔze voovo! À foovo, wo ná-taai zu nuiti foovo! Mazɔlɔɔ ti la ʋaani, ti ʋa ɓɔ Ɠɔoɠɔ GALAGI ʋa, ti ʋa ɓɔ Ɠɔoɠɔ GALAGI ʋa, kɔɔɠɔ ɠundiɠiiti saama!»

²⁴Yayɛle ɠa ga tuya nu anzanuiti saama, Ken nui Ɠeeɓɛɛl anzai! Tuyai ɠa bɛ, anzanuiti saama, niiti ti zeini seɠe ɠotaiti bu!

²⁵Sisela ziɛi valini ma, é nɔnɔi veeni naa ya. É nikɛ ɲiimi ɗɛi ma wulɔi veeni zea lɛbiya ɓɔɔle ɲakai zu.