Tukpɔɠaaleʋe Nuiti 10:7-12

⁷Ɠɔoɠɔ GALAGI yiiɠaawanani Izelayɛle ma, é ti ʋɔdi Filiseti nuiti ma, ta Amɔn nuiti.

⁸É zo naama ɠonagi ma, eyɛsu kona puugɔ maazu lɔsaʋa (18) laawu, ti Izelayɛle nuiti maanɔɠɔni, ti ti nimiza. Tɛiti ti ɠɛni Zuludɛn folo ɠulazu ʋelei, Amɔɔl nuiti ta-yooi zu Galaade.

⁹Amɔn nuiti ti Zuludɛn ɓudɛni, ti kɔɔi ʋɛɛ Zuda ʋa, ta Ɓɛnzamɛn, ta Efelayime ʋɛlɛyeɠei. Izelayɛle nuiti ti ɠɛni kidaaʋili golai zu.

¹⁰Izelayɛle nuiti ti ɓainni Ɠɔoɠɔ GALAGI woizu, ti ɠɛ ma: «Gi kotoi ɠɛa è laalɔɠɔma, mazɔlɔɔ gi ɠɛlɛa è ʋa, gá-ƓALAGI, gi ɗa Ɓaaleni dɛbi.»

¹¹Ɠɔoɠɔ GALAGI ɠɛni Izelayɛle nuiti ma: «É zo Ezipete nuiti ma, é li Amɔɔl nuiti pɔ, ta Amɔn nuiti, ta Filiseti nuiti,

¹²ta Sidɔn nuiti, ta Amalɛke nuiti, ta Maon nuiti, naati kpein ti wo nimizani, kɛlɛ siɛgi zu wo kpee looni la gòizu, gè la ɠɛni wo ɠizoni, gè ʋa wo ɠula ti ya ɓaa?