Tjakultjurinkunytja 16:25-28

²⁵Munga ngururrkutu Puulanya Tjayilitjanya Katutjalakutu wangkarra warrarapula nyinangi. Tjiilangka nyinanytja tjuṯangku kuliṉingi, paluru kutjarrangku warrantjala,

²⁶manta waaḻaṯarra pirrtjingu. Tjiila palula tuuwa pati tjuṯa yuwankarra alytjurarringu. Puritjina tjuṯangka tjiina yuwankarra arralytjarringkula ngarringi.

²⁷Tjiilaku mayutjungku kanarringkula tuuwa tjuṯa alytjura ngaranytjala nyakula nguḻurringu. Paluru kuliṉu, “Puritjina tjuṯaya tjalkaḻungu.” Palulanguru paluru tjuuḻa waṯawara yurrkuṉu, walytjangku wakaranku iluntankukitjangku.

²⁸Paluru walytjangku wakalkitja ngaranyingka Puulalu nyakula raapangku marrkuṉu, “Wakalwiyanku wanti!, yuwankarralatju ngaangka nyinanyi.”