Tingtoeng 91:2-16

²BOEIPA te, “Ka hlipyingnah neh ka rhalvong,” ka ti eh. Ka Pathen amah dongah ka pangtung eh.

³Sayuep kah pael neh talnah duektahaw khui lamkah nang te amah loh n'huul ni.

⁴A phaemul neh nang n'dah vaengah a phae hmuikah oltak photlinglen neh caempho khuiah na ying ni.

⁵Khoyin kah birhihnah khaw, khothaih kah aka thui thaltang te khaw,

⁶Khohmuep ah aka pongpa duektahaw khaw, khothun ah aka rhoelrhak sak lucik khaw rhih boeh.

⁷Na kaep ah thawngkhat, na bantang ah thawngrha cungku mai cakhaw nang taengla ha thoeih mahpawh.

⁸Na mik neh dawk na paelki vaengah halang rhoek kah a phainah te na hmu ni.

⁹Namah loh, “BOEIPA tah ka hlipyingnah koinih,” na ti tih Khohni te na khuirhung la na khueh coeng.

¹⁰Yoethae te nang taengla cuhu pawt vetih tlohtat loh na dap taengla ha moe mahpawh.

¹¹Na longpuei boeih ah nang aka dawn ham a puencawn rhoek te a uen ni.

¹²A kut neh nang n'dom uh bitni, lungto dongah na kho na khuek ve.

¹³Sathuengca neh minta soah na cangdoek vetih, sathuengca neh tuihnam khaw na taelh ni.

¹⁴Kai taengah a ven uh dongah, anih te ka hlawt van ni. Ka ming a ming dongah, anih te ka hoeptlang ni.

¹⁵Kai n'khue vaengah anih te a taengah ka doo ni. Kai loh citcai khuiah khaw anih te ka pumcum sak vetih, amah ka thangpom ni.

¹⁶Anih khohnin sen neh ka kodam sak vetih, kamah kah khangnah te ka hmuh sak ni.