Tingtoeng 83:2-18

²Na thunkha rhoek loh hue a sak tih na lunguet rhoek loh lu a dangrhoek uh soeh ke.

³Na pilnam te baecenol neh muet uh tih na khoem rhoek taengah uento uh thae.

⁴Anmih vik loh, “Halo uh lamtah namtom bangla amih ke thup sih. Te daengah ni Israel ming a thoelh uh voel pawt eh,” a ti uh.

⁵Nang kah a voel ah lungbuei thikat la toidal uh thae tih moi aka bop rhoek tah,

⁶Edom dap rhoek neh Moab Ishmael, Hagri,

⁷Gebal, Ammon, Philistia Amalek, neh Tyre kah khosa hmaih rhoek,

⁸Amih te Assyria loh a koei pataeng tih Lot koca ham bantha la coeng uh. Selah

⁹Amih te Kishon soklong kah Midian, Sisera neh Jabin bangla saii lah.

¹⁰Endor ah mitmoeng uh tih diklai ah aek la poeh uh.

¹¹Amih kah hlangcong rhoek te Oreb neh Zeeb, Zebah bangla, a boeimang boeih te Zalmunna bangla khueh lah.

¹²Amih loh, “Pathen kah toitlim te mamih ham huul uh sih,” a ti uh.

¹³Ka Pathen aw amih te humhae bangla, khohli hmai kah divawt bangla khueh lah.

¹⁴Hmai loh duup a dom tih hmaisai loh tlang a hlawp bangla han coeng sak.

¹⁵Amih te na hlipuei neh hloem van lamtah amih te na cangpalam neh let sak lah.

¹⁶Amih maelhmai te yah bai lamtah BOEIPA nang ming te toem uh saeh.

¹⁷Amih te yahpok uh saeh lamtah let uh saeh. A yoeyah la a hmai tal uh saeh lamtah milh uh saeh.

¹⁸Te dongah diklai pum ah nang tah na ming Yahweh tih, namah bueng te Sangkoek tila ming uh saeh.